WEBO.GE ციფრული
სერვისები
💻 საიტების დამზადება
🚀 SEO ოპტიმიზაცია
📞 579 817 817
ეროვნული ბანკის შენობა, წყარო: NBG

საქართველოს ეროვნული ბანკის მონეტარული პოლიტიკის კომიტეტმა 9 სექტემბრის სხდომაზე რეფინანსირების განაკვეთის უცვლელად 8.25%-ზე დატოვების გადაწყვეტილება მიიღო. ეროვნული ბანკი ვარაუდობს, რომ 2026 წელს ინფლაცია საშუალოდ 5.2%-ი იქნება და საშუალოვადიან პერსპექტივაში თანდათან 3%-იან მიზნობრივ მაჩვენებელს მიაღწევს.

ბანკის ინფორმაციით, ინფლაციის მიზნობრივი 3%-იანი მაჩვენებლიდან გადახრას კვლავ მეტწილად მიწოდების მხრიდან მოქმედი შოკები განაპირობებს, რომელთა შორის მნიშვნელოვანი წვლილი ენერგორესურსების ფასების ზრდას უკავშირდება. „ახლო აღმოსავლეთში გეოპოლიტიკური დაძაბულობის ხელახალი გამწვავება ენერგორესურსების მიწოდებასთან დაკავშირებულ გაურკვევლობასა და საერთაშორისო ფასების მერყეობას ზრდის. ამავდროულად, საერთაშორისო სასურსათო ბაზრებიდან მომდინარე ინფლაციური წნეხიც გაძლიერდა“, – აცხადებს ბანკი.

ეროვნული ბანკის შეფასებით, ინფლაციის მიმდინარე დინამიკა ცენტრალური პროგნოზის შესაბამისია. აღნიშნული სცენარის მიხედვით, სხვა თანაბარ პირობებში, 2026 წელს საშუალო წლიური ინფლაცია 5.2 პროცენტის ფარგლებში იქნება, ხოლო საშუალოვადიან პერიოდში ეტაპობრივად დაუბრუნდება 3 პროცენტიან მიზნობრივ მაჩვენებელს.

მონეტარული პოლიტიკის კომიტეტის შემდეგი სხდომა 2026 წლის 21 ოქტომბერს გაიმართება.

This post is also available in: English