ექიმებისთვის საყურადღებოდ! – გთხოვთ გაითვალისწინოთ – გიორგი ფხაკაძე ექიმებს მიმართავს

ხელოვნური რძის ფხვნილისა და საკვები დანამატების რეკლამირება აკრძალულია როგორც საერთაშორისო, ასევე ევროპული და ქართული კანონმდებლობითა და ეთიკური კოდექსებით.

გთხოვთ გაითვალისწინოთ:

•WHO International Code of Marketing of Breast-milk Substitutes (1981) [1] მკაფიოდ კრძალავს ჯანდაცვის პროფესიონალების მონაწილეობას ხელოვნური რძის ფხვნილის პოპულარიზაციაში.

•World Medical Association (WMA), International Code of Medical Ethics (2022) [2] მკაფიოდ ამბობს, რომ ექიმს არ აქვს უფლება საკუთარი პროფესიული სტატუსი გამოიყენოს კომერციული რეკლამისთვის.

•Directive 2002/46/EC (Food Supplements Directive) [3] კრძალავს დანამატების რეკლამას, თუ ისინი თავს იჩენენ როგორც სამკურნალო ან დაავადების პრევენციის საშუალებები.

•Regulation (EC) 1924/2006 (Health & Nutrition Claims) [4] — დაშვებულია მხოლოდ წინასწარ ავტორიზებული ჯანმრთელობის პრეტენზიები; შეცდომაში შემყვანი განცხადებები აკრძალულია.

•„სურსათის ეროვნული კოდექსი“ (მუხლი 26, პუნქტი 7) [5] — აკრძალულია საკვები დანამატის რეკლამაში დაავადების პრევენცია/მკურნალობა.

•„მომხმარებელთა უფლებების დაცვის შესახებ კანონი“ (მუხლი 8, პუნქტი 2) [6] — აკრძალულია ექიმის ავტორიტეტის გამოყენება კომერციულ მიზნებში.

•„რეკლამის შესახებ კანონი“ (მუხლი 9, პუნქტი 5) [7] — აკრძალულია სამკურნალო საშუალებების რეკლამა ექიმების მონაწილეობით (გარდა ნეიტრალური საგანმანათლებლო მასალისა).

დასკვნა:

ასეთი რეკლამა არღვევს კანონს, ეთიკას და პაციენტის ნდობას.

რეკომენდაცია კოლეგებს:

გადახედეთ თქვენს პოსტებსა და ვიდეოებს და მოარგეთ ისინი ზემოხსენებულ რეგულაციებსა და კოდექსებს.

ეს მხოლოდ იურიდიული ვალდებულება კი არ არის — ეს არის პაციენტის ჯანმრთელობისა და პროფესიული ღირსების დაცვის საკითხი.

ავტორი: პროფესორი გიორგი ფხაკაძე, PhD მედიცინის მეცნიერებათა დოქტორი, MD, MPH

საზოგადოებრივი ჯანდაცვის ექსპერტი