"ვგმობთ რასიზმს" - მანჩესტერ სიტის მხარდაჭერა კაილ უოკერს

გუშინ მანჩესტერ სიტიმ ჩემპიონთა ლიგაზე მორიგი მარცხი განიცადა, ცუდი თამაშის გამო კი განსაკუთრებული კრიტიკა კაილ უოკერმა მიიღო.

ინგლისელ ფეხბურთელს სოც.ქსელებში ფანებმა რასისტული შეურაცხყოფა მიაყენეს, სიტიმ კი უოკერს მხარდაჭერა საჯაროდ გამოუცხადა.

ჩვენ სასტიკად ვეწინააღმდეგებით იმ რასისტულ შეურაცხყოფას, რომელიც უოკერს ინტერნეტში იუვენუსთან თამაშის შემდეგ მიაყენეს.

არ აქვს მნიშვნელობა თუ სად დავინახავთ დისკრიმინაციას, სტადიონზე თუ მის გარეთ, ჩვენ ამისადმი ტოლერანტულები ვერ ვიქნებით.