“ვივამედში” „აკრედიტაცია კანადის“ ყოველთვიური ვიზიტი და პაციენტთა საბჭოს ჩართულობა – როგორ უმჯობესდება კლინიკის ხარისხი

2025 წლის 30 აპრილს კლინიკა „ვივამედის“ პაციენტთა საბჭო მორიგ შეხვედრაზე შეიკრიბა. შეხვედრა განსაკუთრებული მნიშვნელობის იყო, რადგან პარალელურად კლინიკას სტუმრობდა „აკრედიტაცია კანადა“ – საერთაშორისო ორგანიზაცია, რომელიც ყოველთვიურად აფასებს კლინიკის ხარისხსა და პაციენტებზე ორიენტირებულ მომსახურებას.

აკრედიტაცია კანადის და ვივამედის პაციენტთა საბჭოს წარმომადგენლები

„აკრედიტაცია კანადა“ ამ დროისთვის ერთადერთი აკრედიტაციის ორგანიზაციაა საქართველოში, რომელიც ახორციელებს ყოველთვიურ მონიტორინგს მის მიერ აკრედიტირებულ 9 კლინიკაში და ჰყავს ადგილობრივად გადამზადებული საერთაშორისო დონის ექსპერტთა გუნდი.

აკრედიტაცია კანადის ექსპერტები თამარ კრავეიშვილი და ირაკლი აფშინაშვილი ყოველთვიური ვიზიტით კლინიკა ვივამედში

ახალი წევრი პაციენტთა საბჭოში – ჩართულობის გაძლიერება

შეხვედრაზე საბჭოს თავმჯდომარემ წარადგინა ახალი წევრი, რომლის დამტკიცებაც ერთხმად მოხდა. საბჭოს შემადგენლობის განახლება კიდევ უფრო ზრდის გადაწყვეტილებების მრავალმხრივობას და პაციენტთა ინტერესების დაცვას.

აკრედიტაცია კანადის წარმომადგენლები იოსებ დემეტრაშვილი და თათია გოჩაძე პაციენტთა საბჭოსთან ერთად ამოწმებენ კლინიკის ფიზიკურ გარემოს

ფიზიკური გარემოს შეფასება – თანამშრომლობა საერთაშორისო ექსპერტებთან

საბჭოს წევრებმა მონაწილეობა მიიღეს კლინიკის ფიზიკური გარემოს ყოველთვიურ შემოწმებაში, რომელიც ჩატარდა „აკრედიტაცია კანადის“ წარმომადგენლებსა და კლინიკის მენეჯმენტთან ერთად. ერთობლივად შეფასდა პაციენტებისთვის შექმნილი გარემო, ინფრასტრუქტურა და უსაფრთხოების მახასიათებლები.

აკრედიტაცია კანადის ექსპერტი ირაკლი აფშინაშვილი ვივამედის თანამშრომლები და პაციენტთა საბჭოს თავმჯდომარე

Wi-Fi წვდომის გაუმჯობესება – პაციენტთა რჩევის შედეგი

კლინიკის ადმინისტრაციამ საბჭოს წევრებს მიაწოდა ინფორმაცია იმის შესახებ, რომ მათი რეკომენდაცია ინტერნეტის ხელმისაწვდომობაზე უკვე შესრულებულია. Wi-Fi ქსელი გაძლიერებულია კლინიკის მთელ პერიმეტრზე, რაც მნიშვნელოვნად აუმჯობესებს პაციენტთა გამოცდილებას.

ლაბორატორიის განახლება – კომფორტი და ფუნქციონალი ერთ სივრცეში

შეხვედრის ბოლოს საბჭოს წევრებმა მოინახულეს განახლებული ლაბორატორიული სივრცე. აღინიშნა, რომ გარემო გახდა უფრო ფუნქციური, მოწესრიგებული და მორგებული პაციენტთა საჭიროებებზე, რაც კლინიკის განვითარების კიდევ ერთ წარმატებულ ეტაპს წარმოადგენს.

აკრედიტაცია კანადის წარმომადგენლები იოსებ დემეტრაშვილი და თათია გოჩაძე

 თანამშრომლობა, რომელიც რეალურ შედეგს იძლევა

ვივამედის პაციენტთა საბჭო, „აკრედიტაცია კანადასთან“ მჭიდრო თანამშრომლობით, მკაფიოდ აჩვენებს, თუ როგორ შეიძლება პაციენტებისა და მათი ოჯახის წევრების ჩართულობამ რეალური ცვლილებები მოიტანოს. კლინიკის სისტემური გაუმჯობესება ყოველთვიური მონიტორინგით და უკუკავშირის მექანიზმებით – სწორედ ეს ქმნის ხარისხიან და ადამიანზე ორიენტირებულ ჯანდაცვას.