"ვირიშვილი მაიმუნები, ყურები რომ უნდა დააგლიჯო, ეგეთი დეგენერატები არიან" - თამარ ჩერგოლეიშვილი

დღეს ირაკლი კობახიძემ განაცხადა:

"მინდა მადლობა გადავუხადო ხუთ კონკრეტულ ქვეყანას, რომლებმაც ქართველი ხალხის მხარდამჭერი პოზიცია დააფიქსირეს ევროკავშირის საბჭოზე. ესენი არიან უნგრეთი, სლოვაკეთი, იტალია, ესპანეთი და რუმინეთი. მათ დაიცვეს ქართველი ხალხის ინტერესები ევროკავშირის საბჭოზე".

ამის შემდეგ რუმინეთი, იტალია და ესპანეთი კობახიძის განცხადებას გაემიჯნენ.

იტალიისა და ესპანეთის საგარეო საქმეთა სამინისტროებმა გაავრცელეს განცხადებები, რომლებშიც უარყოფენ, რომ მათ მხარი არ დაუჭირეს "ქართული ოცნების" მაღალჩინოსნების წინააღმდეგ ზომების გატარებას.

ამასთან დაკავშირებით თამარ ჩერგოლეიშვილი სოციალურ ქსელში წერს:

"ანუ ეს ვირიშვილი მაიმუნები, თან გაიძახიან მაკრონის ლეგიტიმაცია რაში გვჭირდებაო და თან რუმინეთის და იტალიის ლეგიტიმაციას აყალბებენ საკუთარი არჩევნებივით.

ყურები რომ უნდა დააგლიჯო, ეგეთი დეგენერატები არიან.

(ფეისბუქო არ დამბლოკო ძალადობის წახალისების გამო, ყურების დაგლეჯვის მუქარა მხოლოდ ფიგურალურია)" - წერს თამარ ჩერგოლეიშვილი.