“ვის ასამართლებენ ქოცები ე.წ. 4 ოქტომბრის საქმეზე… ასამართლებენ გულანთებულ პატრიოტებს” – მიხეილ სააკაშვილი

საქართველოს მე-3 პრეზიდენტი, მიხეილ სააკაშვილი, 4 ოქტომბრის საქმეზე მიმდინარე სასამართლო პროცესს ეხმაურება:

“ვის ასამართლებენ ქოცები ე.წ. 4 ოქტომბრის საქმეზე.

პაატა ბურჭულაძეს – საქართველოს საამაყო შვილს. ეს იგივეა, როგორც 1937 წელს ბერიამ დახვრიტა ევგენი მიქელაძე.

მურთაზ ზოდელავას – ყოფილ პროკურორს, კანონიერი ქურდების რისხვას – ე.ი. მაფია ასამართლებს მაფიასთან მებრძოლს.

ირაკლი ნადირაძეს – საკრებულოში კორუფციის მამხილებელს.

და კიდევ ერთ უწესიერეს ადამიანს პაატა მანჯგალაძეს.

ლაშა ბერიძეს – ამერიკის ყველაზე პრესტიჟული აკადემიის კურსდამთავრებულს, ესაა ასევე მესიჯი ამერიკელებისთვის.

ასამართლებენ სხვა გულანთებულ პატრიოტებსაც, რომლებიც ივანიშვილმა დანიშნა ამბოხებულებად, სინამდვილეში მათ სჯიან 4 ოქტომბრის, ვითომ არჩევნების ჩაშლისთვის და სხვების დასაშინებლად, ისინი ჩვეულებრივი მძევლები არიან.

აღფრთოვანებული ვარ მათი ღირსეული საქციელით ე.წ. სასამართლოში.

ასევე კატეგორიულად ვგმობ ნიკა მელიასთვის გამოტანილ მორიგ სამარცხვინო განაჩენს“, – აცხადებს მიხეილ სააკაშვილი.