"თავადაც გაოცებული ვიყავი" - რა თქვა დონჩიჩმა ლეიკერსში გადასვლის შემდეგ

NBA-ს სლოვენიელმა ვარსკვლავმა, ლუკა დონჩიჩმა დალასი დატოვა და ლეიკერსს ოფიციალურად შეუერთდა, რაც ქომაგებისთვის დიდი სიურპრიზი აღმოჩნდა.

აი, რას ამბობს თავად ლუკა ამ ტრანსფერის შესახებ:

ყველა გაკვირვებული იყო და წარმოიდგინეთ, მე როგორი გაოცებული ვიყავი. თითქმის მეძინა, როცა დამირეკეს და ეს ყველაფერი მითხრეს, პირველი აპრილი მეგონა.

თავდაპირველად ეს ძალიან მძიმე მომენტი გახლდათ, რადგან დალასი ჩემთვის სახლი იყო. ლებრონ ჯეიმსმა მაშინვე დამირეკა და თბილად მესაუბრა, მითხრა, რომ იცოდა, რასაც ვგრძნობდი. მასთან ერთად თამაშზე, ალბათ ყველას უოცნებია და ახლა ეს მომენტი ოცნების ახდენას ჰგავს.