იემენში ჰუთებმა გაეროს ოფისის თანამშრომლები დააკავეს

ჰუთებმა რეიდების შესახებ კომენტარი არ გააკეთეს.

გაეროს წარმომადგენელმა იემენში ჰანს გრუნდბერგმა მკაცრად დაგმო მომხდარი: „მკაცრად ვგმობ გაეროს პერსონალის თვითნებური დაკავებების ახალ ტალღას სანასა და ჰოდეიდაში... ასევე გაეროს შენობაში იძულებით შესვლას და გაეროს ქონების ჩამორთმევას“.

ისინი ამბობენ, რომ 2024 წლის ივნისში განხორციელებული დაპატიმრებები მოიცავდა „ამერიკულ-ისრაელურ ჯაშუშურ ქსელს“, რომელიც ჰუმანიტარული ორგანიზაციების საფარქვეშ მოქმედებდა. ეს ბრალდება გაერომ კატეგორიულად უარყო.

კვირას, უფრო ადრე, მსოფლიო სასურსათო პროგრამამ განაცხადა, რომ მისი ერთ-ერთი თანამშრომელი ამბოხებულების დედაქალაქ სანაში დააკავეს.
სანაში უსაფრთხოების წყარომ AFP-ს განუცხადა, რომ კვირას, მათ ოფისებში დარბევის შემდეგ, დააკავეს WFP-ის შვიდი თანამშრომელი და UNICEF-ის სამი თანამშრომელი.
ათწლეულის განმავლობაში მიმდინარე სამოქალაქო ომმა იემენში მსოფლიოში ერთ-ერთ ყველაზე მძიმე ჰუმანიტარული კრიზისი მოიტანა, მოსახლეობის ნახევარზე მეტი ჰუმანიტარულ დახმარებაზეა დამოკიდებული.

30 აგვისტოს იემენის უსაფრთხოების წყარომ AFP-ს განუცხადა, რომ ჰუთების ხელისუფლებამ სანასა და სხვა რაიონებში ათობით ადამიანი დააკავა „ისრაელთან თანამშრომლობის ეჭვის საფუძველზე“. ეს მოჰყვა ისრაელის მიერ 29 აგვისტოს განხორციელებულ დარტყმას, რომელსაც ემსხვერპლა ჰუთების პრემიერ-მინისტრი აჰმედ ღალებ ნასერ ალ-რაჰავი, სხვა ოფიციალურ პირებთან ერთად.