radiotavisupleba ახალი ამბები 
პალესტინელთა ტერიტორიაზე ღაზაში ჰამასის მებრძოლის დაკავების მიზნით ისრაელის მხარდაჭერით განხორციელებული რეიდი გამოვლინდა ოპერაციის მსვლელობისას, რის დროსაც საჰაერო დარტყმები გახდა საჭირო ძალების უკან დახევის უზრუნველსაყოფად.
საჰაერო იერიშის სულ მცირე ოთხი პალესტინელი, მათ შორის ორი ბავშვი ემსხვერპლა, - განაცხადეს ღაზას ოფიციალურმა
პირებმა.
AFP-ის თანახმად, ბაზარიაში ისრაელელმა მოსახლეებმა სამშაბათს ნურ -ალ-დინ ზანკის მეჩეთისთვის ცეცხლის წაკიდება სცადეს.
ისრაელის თავდაცვის მინისტრმა ისრაელ კაცმა განაცხადა, რომ დაკავებულია ჰამასის (აშშ-ში და ევროკავშირში ტერორისტული დაჯგუფება) მაღალი რანგის მებრძოლი.
ჰამასის ოფიციალურმა წარმომადგენელმა ისმაილ ალ-თუაბთამ აღნიშნა, რომ ისრაელის სპეცრაზმმა სცადა ოპერაციის ჩატარება ქალაქ ღაზაში, სანამ მათ შეამჩნევდნენ.
ისრაელის უსაფრთხოების ოფიციალურმა პირმა განაცხადა, რომ დაკავებული მამაკაცი ჰამასის შიდა უსაფრთხოების სამსახურის ხელმძღვანელია.
ისრაელის მედია იუწყებოდა, რომ რეიდი შესაძლოა განეხორციელებინათ ისრაელის დაჯგუფების წევრებს, რომლებიც ღაზის შიგნით მოქმედებენ და რომლებსაც ისრაელი უმაგრებს ზურგს.
თვითმხილველების თქმით, ისრაელის სამხედრო თვითმფრინავებმა სულ მცირე 12 რაკეტა ისროლეს ქალაქ ღაზას დასავლეთით, კატიბას რაიონის სიახლოვეს — ტერიტორიაზე, სადაც ბევრი დევნილი ოჯახი ცხოვრობს კომპაქტურად.
დაბომბვის შედეგად სულ მცირე ოთხი ადამიანი — მათ შორის ორი ბავშვი და ქალი — დაიღუპა და რამდენიმე სხვა დაიჭრა, განაცხადეს მედიკოსებმა.
ცენტრალურ ღაზაში ისრაელის ცეცხლს კიდევ ერთი ბავშვი ემსხვერპლა, აცხადებენ მედიკოსები.
აფეთქებებმა აიძულა ქალაქ ღაზის ამ ტერიტორიას შეფარებული მრავალი ოჯახი, მათ შორის იქვე მდებარე საბავშვო ბაღიდან, დაეტოვებინათ იქაურობა, განაცხადეს ადგილობრივმა მცხოვრებლებმა.
სამშაბათს გავრცელებულ განცხადებაში ისრაელის სამხედროები წერენ, რომ მათ დაარტყეს რამდენიმე სამიზნეს ღაზას სექტორში, რათა აღეკვეთათ ისრაელის ძალებისთვის შექმნილი საფრთხეები.
აშშ-ის მხარდაჭერით მიღწეულმა ცეცხლის შეწყვეტამ, რომელიც ძალაში 2025 წლის ოქტომბერში შევიდა, შეაჩერა ფართომასშტაბიანი საბრძოლო მოქმედებები, რომელმაც გაანადგურა ანკლავი, თუმცა მას არ შეუწყვეტია ისრაელის დარტყმები. ისრაელის სამხედროები აცხადებენ, რომ ასეთი ოპერაციები მიზნად ისახავს ჰამასისა და პალესტინელთა სხვა ჯგუფების თავდასხმების აღკვეთას.
ჰამასი ისრაელს ადანაშაულებს ცეცხლის შეწყვეტის შეთანხმების განმეორებით დარღვევასა და აშშ-ის პრეზიდენტ დონალდ ტრამპის უფრო ფართო გეგმის განხორციელების მცდელობებისთვის ძირის გამოთხრაში.
გასულ ოქტომბერში ცეცხლის შეწყვეტის შეთანხმების ძალაში შესვლის შემდეგ ღაზაში 1 300-ზე მეტი პალესტინელი დაიღუპა, ღაზას ჯანდაცვის ოფიციალური პირების ცნობით. ისრაელის სამხედროების განცხადებით, იმავე პერიოდში ბოევიკების თავდასხმებს ოთხი ისრაელელი ჯარისკაცი ემსხვერპლა.
პალესტინელთა ოკუპირებულ ტერიტორიაზე, იორდანეს დასავლეთ ნაპირზე ჩრდილოეთში მდებარე არეალში, ბაზარიაში, ისრაელელმა მოსახლეებმა სამშაბათს ნურ -ალ-დინ ზანკის მეჩეთისთვის ცეცხლის წაკიდება სცადეს, განაცხადეს პალესტინელებმა.
AFP-ის ფოტოებსა და ვიდეოზე ჩანდა მეჩეთის შენობის ერთი ოთახის ფანჯრის გარშემო არსებული დამწვრობის კვალი და გარეთა კედლებზე კი ებრაულ ენაზე მიწერილია მუქარით აღსავსე სიტყვები.
ისრაელის სამხედროებს AFP-ის მოთხოვნაზე ინციდენტის კომენტირების შესახებ დაუყოვნებლივი პასუხი არ გაუციათ.
ისრაელს იორდანეს დასავლეთი ნაპირი 1967 წლიდან აქვს ოკუპირებული.
500 ათასზე მეტი ისრაელელი ცხოვრობს პალესტინის ტერიტორიაზე არსებულ წლების განმავალობაში საერთაშორისო სამართლის დარღვევით აგებულ სახლებში, სამ მილიონი პალესტინელით დასახლებულ არეალში, რომელიც პალესტინელთა მომავალი სახელმწიფოს ნაწილი უნდა იყოს.
