იტალიური მედია ნაპოლიში ხვიჩა კვარაცხელიას მემკვიდრეს ასახელებს

იტალიური გამოცემა Areanapoli წერს, რომ იტალიურ გუნდს ხვიჩა კვარაცხელიას გასხვისება მოუწევს და ქართველ ფეხბურთელს ისევე შეელევიან, როგორც ეს ოსიმენის შემთხვევაშ მოხდა.

მათივე თქმით, კვარაცხელიას მემკვიდრე გუნდში ბრაზილიელი დევიდ ნერეში და იტალიელი ფედერიკო კიეზა იქნება.

"ამ მომენტისთვის ნერეში კვარაცხელიაზე უკეთესია და ამას საერთო ანალიზზე დაყრდნობით ვამბობ", - განაცხადა ადგილობრივმა ჟურნალისტმა ფულვიო ჯულიანიმ.

რაც შეეხება კიეზას ვარიანტს, ის პირველად ხერარდო ფაზანომ გააჟღერა: "უკვე ეჭვიც აღარ მეპარება იმაში, რომ სეზონის დასრულების შემდეგ ხვიჩა იტალიას დატოვებს. ვინ შეცვლის მას? ჩემამდე მოვიდა ხმები, რომ ნაპოლი ფედერიკო კიეზას დამატებას ზაფხულში შეეცდება."

კიდევ ერთი ჟურნალისტი პაოლო დე ჯენიო ამბობს: "უდავოა, რომ კვარაცხელიას მემკვიდრე გუნდში დევიდ ნერეშია, რომელიც ორივე ფლანგზე სასარგებლოა."

შეგახსენებთ, ხვიჩა კვარაცხელია და ნაპოლი ახალ ხელშეკრულებაზე ზაფხულის შემდეგ მუშაობენ, თუმცა მხარეები საბოლოო შეთანხმებისგან ჯერ კიდევ შორს არიან.