"კვამლი დავინახე, მაგრამ პაპი არ მინახავს" - დონალდ ტრამპი ახალი პაპის არჩევაზე

აშშ-ის პრეზიდენტი დონალდ ტრამპი დღეს თეთრ სახლში გამართულ ღონისძიებაზე სცენაზე ავიდა მას შემდეგ, რაც ვატიკანის ბუხრიდან თეთრი კვამლი ამოვიდა, რაც იმის ნიშანია, რომ კარდინალების კოლეგიამ ახალი პაპი აირჩია:

"კვამლი დავინახე, მაგრამ პაპი არ მინახავს" - განუცხადა ტრამპმა ჟურნალისტებს თეთრი სახლის აღმოსავლეთ ოთახში.

ტრამპმა კრიტიკა დაიმსახურა მას შემდეგ, რაც თეთრი სახლის ანგარიშმა ამ კვირაში პაპის კონკლავის წინ ხელოვნური ინტელექტის მიერ გენერირებული ფოტო გამოაქვეყნა, სადაც ის პაპის ფორმაში იყო გამოწყობილი.