კურტანიძის მტკიცებით, ციხეში ყოველ დღე ტირის – დეტალები

110

“ქართული ოცნების” ყოფილ დეპუტატი, ელდარ კურტანიძე ყოფილ ცოლზე, ხათუნა მიქაცაძეზე ძალადობას აღიარებს, თუმცა დანარჩენს სამ მუხლში, რომელიც მას წაყენებული აქვს, ამბობს, რომ თავს დამნაშავედ არ ცნობს.

დღეს, ცოტა ხნის წინ, მისმა ადვოკატმა განაცხადა, რომ კურტანიძე ბრალს არ აღიარებდა. გარდა ამისა, სანამ ლუკა კურტანიძე ამტკიცებს, რომ საპატიმროში ყველა დღე სინანულსა და ცრემლებშია, მისი ადვოკატი ამბობს, რომ კურტანიძის სურვილია, დაიბრუნოს ქონება – “ის ქონება, რომელიც არის რიცხული ქალბატონ ხათუნაზე, რომელიც არის რიცხული ბესიკ ლოჩოშვილზე – წყნეთის და ბორჯომის სახლში, ქალბატონ ქეთევან ყავლაშვილზე.”

მთელ საქართველოს ვულოცავ არჩევნების მშვიდობიანად დასრულებას, ასევე მინდა მადლობა გადავუხადო პენიტენციური სამსახურის, პროკურატურის და სასამართლოს ყველა თანამშრომელს. მოვიდა ის დრო, როცა ყველას ადამიანად აგრძნობინებენ თავს და მადლობა იმისთვის, რომ ის შიში, რომელიც ყველას გვახსოვს, დაძლეულია და საქართველოს შეუძლია როგორც  სახელმიწფოს იამაყოს მთელ მსოფლიოში. დღეს ციხეში ის ატმოსფერო სუფევს, სადაც ყველა მსჯავრდებული თავს გრძნობს ადამიანად და ამისთვის მადლობა თანამშრომლებს და საახელმიწფოს.

ფიზიკური ძალადობის ნაწილში ვცნობ თავს დამნაშავედ. დანარჩენში – არა. 

მინდა საზოგადოებას და ყველა სახელმწიფო ინსტიტუტს შენდობა ვთხოვო, რადგან ეს პროცესი ჩემთვის ძალიან მტკივნეულია. მთელი ცხოვრება ვემსახურები საქართველოს და ბევრი თუ არა ცოტა მაინც გამიკეთებია. ვითავისებ ამ მდგომარეობას და არცერთი დღე პატიმრობისა სინანულის და ცრემლის გარეშე არ გასულა.

რაც არ უნდა პროვოცირებული ყოფილიყო, ამ გადასახედიდან, ჩემი ბუნებიდან გამომდინარე, შენდობას ვითხოვ. ყველას ვთხოვ, სახელმწიფო ინსტიტებს, ჩემი ოჯახის წევრებს იმ ჩემი საქციელისთვის, რომელიც პროვოცირებული იყო,  მაგრამ   ჩემთვის თითეული მოქალაქის აზრი მნიშველოვანია და ყოველი დღე განსაცდელია.

თავის გასასამართლებლად არ ვამბობ, მაგრამ მე მისული ვიყავი, ჩემი ცხოვრების ნაშრომ ნაოფლარი სახლის დასუფთავება მინდოდა, ერთი დღით მაგიტო ჩავედი , რადგან  სოფოს სახელზე იყო. მანამდე უსწრებდა ამას რომ ამ სახლის კარების საკეტები დამტვრეული იყო.

მოკლედ მინდა გითხრათ, რომ მიუხედავად იმისა, რომ პროვოცირებული იყო ბოდიში მოვუხადო საზოგადოებას და მინდა მომცეთ იმის საშუალება და შანსი რო უდიდესი პასუხისმგებლობით გავაგრძელო ცხოვრება”, – განაცხადა კურტანიძემ. 

შეგახსენებთ, რომ ჭიდაობის ფედერაციის ექს პრეზიდენტი და “ოცნების” ყოფილი დეპუტატი ყოფილ მეუღლეს ქობულეთში მდებარე სახლში  შეუვარდა და ფიზიკური დაზიანებები მიაყენა.

კურტანიძეს ბრალდება ოჯახის წევრის მიმართ ძალადობის, ოჯახის წევრის ნივთის განზრახ დაზიანებისა და ოჯახის წევრის მიმართ დამცავი ორდერით გათვალისწინებული მოთხოვნების და ვალდებულებების შეუსრულებლობის მუხლით წარედგინა. აღნიშნული ქმედება 5 წლამდე ვადით თავისუფლების აღკვეთას ითვალისწინებს. ამ ბრალდებებს კიდევ ახალი მუხლი – საკუთრების უფლების დარღვევა დაემატა.

გავრცელებულ კადრებში ჩანდა ასევე, რომ იგი არ ემორჩილებოდა პოლიციელთა მოთხოვნას, თუმცა, მას ამ კუთხით ბრალი არ წაუყენეს.

ლუკა კურტანიძე ქონების უკან დაბრუნებას ითხოვს – ახალი ბრალი და ახალი დეტალები