ლეგენდის ხსოვნის პატივსაცემად - გერმანიის სუპერთასი ფრანც ბეკენბაუერის სახელობის გახდება

გერმანული და მსოფლიო ფეხბურთის ლეგენდა ფრანც ბეკენბაუერი 2024 წლის დასაწყისში, 78 წლის ასაკში გარდაიცვალა.

დღეს გავრცელებული ინფორმაციით, "კაიზერის" მემკვიდრეობას გერმანიის ფეხბურთის ფედერაცია "სახელობითად შემოინახავს".

გერმანიის სუპერთასს მომავალი, 2025/26 წლების სეზონიდან "ფრანც ბეკენბაუერის სახელობის თასი" დაერქმევა.

როგორც იცით, ეს ტურნირი წელიწადში ერთხელ ტარდება, და გამარჯვებისთვის ერთმანეთს ბუნდესლიგის მოქმედი ჩემპიონი და გერმანიის თასის, იგივე DFB Pokal-ის გამარჯვებული ხვდება.