ლიეტუვამ საქართველო სტუდენტების გაცვლითი პროგრამიდან ამოიღო

ლიეტუვამ საქართველო ამოიღო 2025-2026 აკადემიური წლის სემესტრული გაცვლითი პროგრამიდან.

ინფორმაციას ამის შესახებ studyin.lt-ზე დაყრდნობით “ნეტგაზეთი” ავრცელებს.

როგორც გამოცემა წერს, წინა წლებში საქართველო აღნიშნულ გაცვლით პროგრამაში მონაწილეობდა და ამით არაერთმა ქართველმა სტუდენტმა ისარგებლა. თუმცა წელს ქართველი სტუდენტებს ლიეტუვის უმაღლეს საგანმანათლებლო დაწესებულებებში სემესტრულ გაცვლით პროგრამას აღარ სთავაზობენ.

საქართველოსგან განსხვავებით, ლიეტუვის სემესტრული გაცვლითი პროგრამა ღიაა: სომხეთის, ავსტრალიის, აზერბაიჯანის, კანადის, ჩინეთის (ჩინეთის სახალხო რესპუბლიკა და ტაივანი), ინდოეთის, ინდონეზიის, ისრაელის, იაპონიის, ყაზახეთის, მოლდოვის, ახალი ზელანდიის, სამხრეთ კორეის, უკრაინის, გაერთიანებული სამეფოს, უზბეკეთის, ამერიკის შეერთებული შტატების სტუდენტებისთვის.