ლივერპულის 2 ვარიანტი - ვის დამატებას შეეცდება ზაფხულში გუნდი

ბრიტანულ მედიაში წერენ, რომ ლივერპულს ზაფხულში რამდენიმე ფეხბურთელი დატოვებს, სიაში კი მოჰამედ სალაჰი და დარვინ ნუნიესიც არიან.

ეგვიპტელი ფენომენალურ სეზონს ატარებს, თუმცა კლუბისგან ახალ კონტრაქტს დღემდე ვერ იღებს, დარვინმა კი გაცემული ავანსები აშკარად ვერ გაამართლა.

გავრცელებული ინფორმაციით, კლუბი ზაფხულში შეტევას გააძლიერებს, ვარიანტებად კი ჟოაო პედრო და ნიურნბერგის შემტევი, სტეფანოს ციმასი განიხილება.

ჟოაო პედროს პრემიერ ლიგის მიმდინარე სეზონში 5 გოლი და 5 ასისტი აქვს, ციმასს კი ბუნდესლიგა 2-ში 8 გოლი აქვს გატანილი.