ლივერპულის მწვრთნელმა დაადასტურა - რამდენად რეალურია კვარას ტრანსფერი

ბოლო რამდენიმე საათია, აქტიურად იწერებოდა იმის შესახებ, რომ ლივერპული გიორგი მამარდაშვილის ტრანსფერის შემდეგ, ხვიჩა კვარაცხელიას დამატებაზეც მუშაობდა.

შესაძლო ტრანსფერზე კომენტარი ცოტა ხნის წინ მერსესაიდული კლუბის მთავარმა მწვრთნელმა, არნე სლოტმაც გააკეთა.

"იმას გეტყვით, რომ იანვარია. 100 შემთხვევიდან 99-ში ისე ხდება ხოლმე, რომ ეს ისტორიები ტყუილია. ჭორაობა გრძელდება", - განაცხადა სლოტმა.

შეგახსენებთ, ქართველი შემტევის დამატების სერიოზულ ინტერესს ფრანგული პსჟ გამოხატავს.