მადრიდის "რეალს" კილიან მბაპე დააკლდა - რა დრო გაუცდება ფრანგ შემტევს?

გასულ ღამეს, ჩემპიონთა ლიგაზე "ატალანტასთან" გასვლაზე გამართულ შეხვედრაში (2:3), "რეალის" ფრანგმა შემტევმა, კილიან მბაპემ მე-10 წუთზე გუნდი დააწინაურა, თუმცა პირველი ნახევრის 36-ე წუთისთვის მოედანი დისკომფორტის გამო დატოვა და იგი როდრიგო გოეშმა შეცვალა.

გავრცელებული ინფორმაციით, ფეხბურთელმა დისკომფორტი ბარძაყის კუნთში იგრძნო, რის გამოც თამაშის გაგრძელება აღარ გარისკა.

ჯერჯერობით უცნობია რა დროის განმავლობაში ვერ დაეხმარება კილიანი "მერენგებს", აღნიშნული ინფორმაცია სამედიცინო გამოკვლევების შედეგად, სულ მალე გახდება ცნობილი.