“მალე მაინც დაგვჭირდება და ბარემ ვისწავლოთ, რა არის Public DNS და როგორ გამოვიყენოთ”– მიხეილ ზაქარეიშვილი

მალე მაინც დაგვჭირდება და ბარემ ვისწავლოთ, რა არის Public DNS და როგორ გამოვიყენოთ

ყველაზე მარტივი ენით რომ აგიხსნათ: როდესაც რომელიმე საიტზე შესვლას ცდილობთ, იყენებთ თქვენი ინტერნეტ პროვაიდერის (მაგთი, სილქნეტი, ბილაინი…) DNS-ს. თუ ჩვენი კომუნიკაციების მარეგულირებელი გადაწყვეტს, რომ რომელიმე საიტი დაბლოკოს (მაგალითად როგორც მოხდა ფილმების პირატულ საიტებთან დაკავშირებით), დაუკავშირდება ინტერნეტ პროვაიდერს და დააბლოკინებს. ეს ნიშნავს, რომ თქვენი პროვაიდერის DNS-ით კონკრეტულ საიტზე ვეღარ შეხვალთ. თუმცა შეგიძლიათ შეხვიდეთ Public DNS-ით (პირატული ფილმების ჯერ კიდევ მოქმედ საიტებზე შესვლა ახლაც შეგიძლიათ ასე)

Public DNS-ს როცა იყენებთ, თქვენი მოწყობილობიდან საიტამდე გზის გავლას ანდობთ არა ნაკლებად სანდო ქართულ კომპანიებს, არამედ ისეთ გიგანტებს, როგორებიც არიან მაგალითად Google ან Cloudflare

Public DNS-ის უპირატესობები:

სისწრაფე: საქმე არ გვაქვს რამე ძალიან მნიშვნელოვან სხვაობასთან, თუმცა რეალურად სისწრაფეში სხვაობა არის. განსაკუთრებით გამოსადეგია გეიმერებისთვის. მე, მაგალითად, თავის დროზე playstaton-ის საფორთმა მირჩია google dns-ის გამოყენება.

უსაფრთხოება და პრივატულობა: ზოგიერთი პროვაიდერი ინახავს თქვენი ძიების ისტორიას. სანდო საჯარო DNS-ები არ ყიდიან თქვენს მონაცემებს, არ იმახსოვრებენ IP მისამართებს და დამატებით გიცავენ მავნე საიტებისგან (Phishing / Malware).

შეზღუდვების გვერდის ავლა: თუ რომელიმე ვებსაიტი პროვაიდერის დონეზეა დაბლოკილი, DNS-ის შეცვლით მასზე წვდომას მარტივად და შეუფერხებლად აღადგენთ.

როგორ გამოვიყენოთ? (ყველაზე სანდო სერვერები)

მსოფლიოში ყველაზე პოპულარული და სანდო ვარიანტებია:

– Cloudflare (ყველაზე სწრაფი და პრივატული): 1·1·1·1 და 1·0·0·1

– Google DNS (სტაბილური და საიმედო): 8·8·8·8 და 8·8·4·4

Windows-ზე:

შედით Control Panel > Network and Internet > Network and Sharing Center.

მარცხნივ აირჩიეთ Change adapter settings.

დააკლიკეთ მარჯვენა ღილაკით თქვენს ინტერნეტზე (Wi-Fi ან Ethernet) და აირჩიეთ Properties.

იპოვეთ Internet Protocol Version 4 (TCP/IPv4), მონიშნეთ და დააჭირეთ Properties.

მონიშნეთ “Use the following DNS server addresses” და ჩაწერეთ ზემოთ მოცემული ციფრები (მაგ: 8·8·8·8 და ქვედა ველში 8.8.4.4). დააჭირეთ OK-ს.

Mac-ზე:

შედით System Preferences > Network.

აირჩიეთ თქვენი ქსელი და დააჭირეთ Advanced.

გადადით DNS ტაბში, დააჭირეთ “+” ნიშანს და დაამატეთ ციფრები (მაგ: 1.1.1.1). დააჭირეთ OK-ს.

სმარტფონებზე (iOS / Android):

ყველაზე მარტივი გზაა — გადმოწეროთ აპლიკაცია 1·1·1·1 (Cloudflare-ის ოფიციალური აპი) და ერთი ღილაკის დაჭერით გაიაქტიუროთ.

ან ხელით გაუწეროთ Wi-Fi-ს პარამეტრებიდან: გადადით თქვენს ქსელზე, იპოვეთ Configure DNS (ან IP Settings -> Static) და ხელით ჩაწერეთ მისამართები.

ასე თქვენ შეგიძლიათ Public DNS დააყენოთ მთლიანად მოწყობილობაზე. თუმცა შესაძლებელია, დააყენოთ მაგალითად მხოლოდ Google Chrome-ზე:

გახსენით Google Chrome და დააჭირეთ ზედა მარჯვენა კუთხეში მდებარე სამ წერტილს.

გადადით Settings-ში (პარამეტრები).

მარცხენა მენიუდან აირჩიეთ Privacy and security (კონფიდენციალურობა და უსაფრთხოება).

ცენტრალურ ნაწილში დააკლიკეთ Security-ს (უსაფრთხოება).

ჩამოსქროლეთ ქვემოთ და იპოვეთ პუნქტი — Use secure DNS (უსაფრთხო DNS-ის გამოყენება).

დარწმუნდით, რომ ეს ფუნქცია ჩართულია და მონიშნეთ მეორე ვარიანტი: With (შემდეგი პროვაიდერით / მომსახურების მიმწოდებლით).

დააკლიკეთ გვერდით არსებულ ჩამოსაშლელ სიას და პირდაპირ აირჩიეთ Google (Public DNS) ან Cloudflare (1.1.1.1).