მიხეილ სააკაშვილის საზღვრის კვეთის საქმეზე განაჩენი დღეს გამოცხადდება

საქალაქო სასამართლოში დღეს მიხეილ სააკაშვილის კიდევ ერთ საქმეზე მოსამართლემ ვერდიქტი უნდა გამოაცხადოს. საქმე საზღრის უკანონო კვეთას ეხება. დარბაზში არიან სააკაშვილის ადვოკატები და მხარდამჭერები. ბოლო ათ დღეში ეს უკვე მეორე საქმეა, რომელზეც ვერდიქტი ცხადდება.

საზღვრის უკანონოდ კვეთას საქართველოს ყოფილ პრეზიდენტთან ერთად კიდევ ოთხი პირს ედავებიან, მათ შორის ელგუჯა ცომაიაც.

საქალაქო სასამართლოს ეზოში იკრიბებიან მესამე პრეზიდენტის მხარდამჭერები და “ერთიანობა ნაციონალური მოძრაობის” წევრებიც. შეკრებილებს არ აქვთ მოლოდინი, რომ მოსამართლე მიხეილ ჯინჯოლია სამართლიან გადაწყვეტილებას მიიღებს.

ეს ალბათ ერთ-ერთი ყველაზე აბსურდული და პოლიტიზირებული სისხლის სამართლებრივი დევნაა მიხეილ სააკაშვილის მიმართ, იმიტომ, რომ რეჟიმმა, რომელმაც ბოლო წლებში ასობით ათასი ჩვენი თანამოქალაქე ამ ქვეყნიდან გააქცია, მათ შორის, მათი ისტორიებიც გვსმენია, როგორ შედიან, საზღვარს როგორ კვეთენ არალეგალურად, საქართველოში შემოსვლისთვის ასამართლებს მესამე პრეზიდენტს იმ ქვეყანაში დაბრუნებისთვის, რომლის სახელემწიფოებრივი ინსტიტუციებიც 2013 წლის შემდეგ სწორედ მიშა სააკაშვილის პრეზიდენტოს=ბის დროს შეიქმნა. უფრო მეტად, შეიძლება, შთანთქოს ის ვადა, რომელსაც ახლა მიუსჯიან წინა მისჯილმა ვადებმა, ამაში არაა პრობლემა, მტავარი მესიჯი, რაც აქ იკვეთება და რსი სურვილიც აქვს ამ რეჟიმს, ის არის, რომ მიშა სააკაშვილი მათ არ უნდათ, იხილონ საქართველოში და თავისუფლებაზე ანუ რომც პირობითი ვადამდელი უდო ან დიპლომატიური ზეწოლის თანახმად თავისუფლება აღმოჩნდეს მიხეილ სააკაშვილი,ის უნდა იყოს ბრალდებული საზღვრის კვეთით, რომ რაც შეიძლება სწრაფად დაატოვებინონ ქვეყანა და არ გაჩერდეს აქ საქართველოში, თავის ხალხთან, არ ჩაერთოს ასარჩევნო კამპანიაში. აი, რისი ეშინია რეჟიმს, – ამბობს პეტრე ცისკარიშვილი.

მესამე პრეზიდენტის ადვოკატი არ გამორიცხავს, რომ სასამართლომ სასჯელის დასამძიმებლად კანონის ნებისმიერი ინტერპრეტაცია გამოიყენოს. ამის მიუხედავად, ინტერსების დამცველი ამბობს, რომ კანონით ამ საქმეზე სასჯელის დამძიმება არ უნდა მოხდეს.

ბუნებრივია, იმ ვითარებაში, როდესაც ჩვენ გვაქვს პოლიტიკური მართლმსაჯულება და მიხეილ სააკაშვილი არის პოლიტიკური ტყვე, სასამართლომ კანონის ნებისმიერი ინტერპრეტაცია შეიძლება, მოახდინოს. თუმცა, კანონის მოთხოვნის შესაბამისად, ამ საქმეზე არ უნდა მოხდეს სასჯელის დამძიმება იმ მარტივი მიზეზიდან გამომდინარე, რომ განაცენთა ერთობლიობა არ გვაქვს პიჯაკების საქმესთან მიმართებაში. შესაბამისად, მას რომ რაიმე დაემატოს, ამის კანონიერი მექანიზმი არ არის, თუმცა სასამართლო იცით რა დავალებებს ასრულებს და კანონიერებასთან ძალიან შორს არის, – ამბობს ბექა ბასილაია.