“ნიკას მიერ შესხმული წყალი მოსამართლის მანტიაში გახვეული ჯალათისთვის, პოლიტიკოსების სახელით დაკეთებული საპროტესტო ჟესტია” – ნიკა გვარამია ნიკა მელიაზე

ნიკა გვარამია, მოსამართლისათვის წყლის შესხმის გამო, სასამართლოს მიერ, ნიკა მელიასთვის 1.5 წლით პატიმრობის მისჯას ეხმაურება:

“ნიკას წელიწადნახევარი მიუსაჯეს და კიდევ წელიწადზე მეტი [ხნით] ციხეში დატოვეს.

ნიკას მიერ შესხმული წყალი მოსამართლის მანტიაში გახვეული ჯალათისთვის, პოლიტიკოსების სახელით გაკეთებული საპროტესტო ჟესტია, ისეთივე, როგორიც მედიის სახელით გარტყმული სილა მზია ამაღლობელის მიერ და ზვიად რატიანის მიერ კულტურის სახელით გარტყმული სილა პოლიციელის ფორმაში გახვეულ რეჟიმის ჯალათებს!

ჩემი მხარდაჭერა ნიკას და მის ოჯახს, არა როგორც მეგობრის და თანამებრძოლის მიმართ, არამედ მებრძოლი მოქალაქისა და პატრიოტის მიმართ! ძალიან მალე ერთად ვიქნებით, ყველანი ერთად გარეთ!

სანამ ვიბრძვით, სანამ არ გვეშინია, სანამ დაღლილობას და იმედგაცრუებას არ ვახვედრებთ სიზარმაცეს და შემგუებლობას, მანამდე თამამად და მტკიცედ და, რაც მთავარია, სრულიად სამართლიანად შეგვიძლია ვთქვათ:
ჩვენ ვიმარჯვებთ!

თავისუფლება ნიკა მელიას!
თავისუფლება რეჟიმის ყველა ტყვეს!
თავისუფლება საქართველოს!” – წერს ნიკა გვარამია საპატიმროდან გამოგზავნილ წერილში.