2 weeks ago
67
“სტრატეგია აღმაშენებლის” ერთ-ერთი ლიდერი, პაატა მანჯგალაძე მწვავე პოლიტიკური შეფასებებით ეხმაურება აშშ-რუსეთის მაღალი დონის შეხვედრაზე, რუსეთის საგარეო საქმეთა მინისტრის, სერგეი ლავროვის გამოჩენას “СССР”-წარწერის მაისურით:
“ლავროვის მაისურზე წარწერა “СССР” პუტინის ოცნებად დარჩება, მაგრამ მისი ქვეტექსტი ყველასთვის გასაგებია: ისინი მშვიდობაზე კი არა, ახალ დაპყრობებსა და ომებზე ოცნებობენ ამის ძალა და შანსი რომ ჰქონდეთ.
გუშინდელი შეხვედრით კიდევ ერთხელ დადასტურდა, ვინ არის რეალური გლობალური ომის ძალა მსოფლიოში.
საქართველოში კი რეჟიმი ხალხს კვლავ ზღაპრებს უყვება მშვიდობაზე და საკუთარ ქვეყანას აბრალებს ომის დაწყებას. დიდი მიხვედრა არ სჭირდება ვისი ინტერესია საქართველოს აგრესორად და ომის დამწყებად წარმოჩენა, რა თქმა უნდა მტრის.
უბრალოდ მე იმ ადამიანების სიბნელე და უნამუსობა მაფიქრებს ვინც დღეს იმპერიის აღდგენაზე მეოცნებე და საქართველოს ძირძველი კუთხეების 20%-ის მიმტაცებელ პუტინსა და ლავროვს გულშემატკივრობდა, თან ვითომ ზვიად გამსახურდიასა და მერაბ კოსტავას იდეების გამგრძელებლებად და ჩემზე პატრიოტებად მოაქვთ თავი.
საქართველო არასოდეს დაბრუნდება იმპერიის რუსულ ჭაობში, ჩვენი მომავალი თავისუფლებისა და ევროპის გზაზეა და ამას ვეღარავინ შეაჩერებს.
ერთიანობით გავიმარჯვებთ!” – განაცხადა პაატა მანჯგალაძემ.
English (US) · 
Georgian (GE) ·