პარლამენტის ადმინისტრაცია განცხადებას ავრცელებს

პარლამენტის ადმინისტრაცია საკანონმდებლო ორგანოში უსაფრთხოების დამატებიოთი ზომების შესახებ ცვლილებებთან დაკავშირებით განცხადებას ავრცელებს. მათი ინფორმაციით, პარლამენტის სასახლეში 28 ნოემბერს გამოცხადებული უსაფრთხოების წითელი დონე გაუქმდა და დღეიდან, 6 დეკემბრიდან, მის გაუქმებამდე მოქმედებს უსაფრთხოების ყვითელი დონე, ვიზიტორებს ეზღუდებათ პარლამენტის სასახლეში შესვლა.

“დაგეგმილ საპარლამენტო ღონისძიებებზე (მათ შორის კომიტეტის და პლენარულ სხდომებზე) დაიშვებიან მხოლოდ შესაბამისი სტრუქტურული ერთეულების მიერ მოწვეული პირები.

შენობაში დაიშვებიან ტელემაუწყებლების/ტელემედია საშუალებების აკრედიტებული არაუმეტეს ერთი ჯგუფი თითო მაუწყებლიდან, საპარლამენტო ღონისძიებების დასრულებამდე.

აღნიშნული ღონისძიების მიზანია საქართველოს პარლამენტის სასახლეში სამუშაო და უსაფრთხო გარემოს უზრუნველყოფა”, – აღნიშნულია განცხადებაში.