პარტია „ჯერ საქართველო“ ოფიციალურად დაფუძნდა – თავმჯდომარედ ვიქტორ ყიფიანი აირჩიეს

პარტია „ჯერ საქართველო“ ოფიციალურად დაფუძნდა. დამფუძნებელი ყრილობა „ქორთიარდ მერიოტში“ გაიმართა და ცოტა ხნის წინ დასრულდა.

დელეგატებმა პარტიის თავმჯდომარედ ვიქტორ ყიფიანი ოფიციალურად აირჩიეს. ყრილობაზე ასევე დაკომპლექტდა პარტიის პოლიტსაბჭო, სარევიზიო კომისია და სამდივნო.

პოლიტსაბჭოს წევრები არიან: ვახტანგ კაპანაძე, ვალერი ჩეჩელაშვილი, რუსუდან თევზაძე, ნიკოლოზ ხატიაშვილი და გიორგი ანთაძე. პარტიის თანადამფუძნებლები და მრჩევლები არიან ნიკოლოზ ალავიძე და გიორგი ტუმასიანი. სარევიზიო საბჭოს თავმჯდომარე გიორგი შალამბერიძეა, წევრები კი ბექა ბოჭორიშვილი, ივერი მისრიაშვილი და ვასილ ივანოვ-ჩიქოვანი. პარტიის აღმასრულებელ მდივნად ზურა შარაშენიძე დაინიშნა, ხოლო სამდივნოში ნინო სტურუა, გიორგი მსხილაძე და სანდრო სამადბეგიშვილი შევიდნენ.