პატიმარი საავადმყოფოში გადაიყვანეს მას შემდეგ, რაც ადვოკატის თქმით, მასზე კრიმინალურ სამყაროსთან კავშირის მქონე პირებმა იძალადეს

დავით ფეიქრიშვილი, რომელსაც მედიაში საქართველოს კრიმინალურ სამყაროსთან აკავშირებენ, „მრავლობითი დაზიანებებით“ საავადმყოფოში გადაიყვანეს. მისი ადვოკატის განცხადებით, გლდანის ციხეში მას ასევე კრიმინალურ სამყაროსთან კავშირში მყოფი სხვა პატიმრები გაუსწორდნენ. გავრცელებული ინფორმაციით, დაშავებულთან მათ წარსულში კონფლიქტი ჰქონდათ.

ფეიქრიშვილის დედა და ადვოკატი აცხადებენ, რომ თავდამსხმელები მისგან ტელეფონის განბლოკვის კოდს ითხოვდნენ. მათი თქმით, ეს პირები დააკავეს და ფეიქრიშვილის საკანში სწორედ იმ მიზნით მოათავსეს, რომ მისგან აღნიშნული ინფორმაცია მიეღოთ. საქართველოს სპეციალურმა პენიტენციურმა სამსახურმა უარყო ინფორმაცია იმის შესახებ, რომ ფეიქრიშვილზე თანასაკნელებმა იძალადეს. უწყების მტკიცებით, მან დაზიანებები თავად მიიყენა, ხოლო გავრცელებულ ბრალდებებს უწყების „დისკრედიტაციის“ მცდელობა უწოდა.

This post is also available in:

Follow Us