პოლიომიელიტი, ფაქტები, რა უნდა იცოდეთ – ვირუსი აღწევს ნერვულ სისტემაში და უპირველეს ყოვლისა, აზიანებს ზურგის ტვინის ან თავის ტვინის ნერვებს

• პოლიოს ყველაზე მძიმე ფორმამ შესაძლოა სწრაფად გამოიწვიოს დამბლა, სუნთქვის პრობლემები და ზოგჯერ სიკვდილი.

• ვირუსი ადამიანიდან ადამიანზე გადადის ძირითადად ფეკალური გზით, დაბინძურებული წყლით ან საკვებით, წვეთებით – ინფიცირებული ადამიანის ხველების ან ცემინების დროს. ვირუსი ბინადრობს ინფიცირებული ადამიანის ყელსა და ნაწლავებში.

• ადრეულ ბავშვობაში ჩატარებული პოლიომიელიტის საწინააღმდეგო ვაქცინაციის სრული კურსი უზრუნველყოფს სიცოცხლის განმავლობაში დაცვას.

• პოლიომიელიტის საწინააღმდეგო აცრა ტარდება 2, 3, 4, 18 თვის და 5 წლის ასაკის ბავშვებში.

• გაითვალისწინეთ, დაავადებული ადამიანის განკურნება პოლიომიელიტისგან არ ხდება, მისი თავიდან აცილება მხოლოდ ინფიცირებამდე ჩატარებული ვაქცინაციითაა შესაძლებელი.