პოლონეთში, ლუბლინის მახლობლად, სავარაუდო რაკეტის ნამსხვრევები იპოვეს

პოლონეთში, ლუბლინის მახლობლად, სავარაუდო რაკეტის ნამსხვრევები იპოვეს. როგორც RMF24 წერს, სოფელ ხოინში, რომელიც ქალაქიდან 30 კილომეტრითაა დაშორებული, ადგილობრივმა მცხოვრებმა სამართალდამცველებს საეჭვო საგნის შესახებ შეატყობინა.

სამხედრო პოლიცია ვარაუდობს, რომ ეს შეიძლება იყოს იმ რაკეტის ნაშთები, რომელიც გამოიყენეს რუსეთის მიერ უკრაინაზე განხორციელებული თავდასხმისას უპილოტო საფრენი აპარატის ჩამოსაგდებად.

ადგილობრივმა მცხოვრებმა შემთხვევით აღმოაჩინა ეს ნამსხვრევი და მაშინვე მიმართა სამართალდამცველებს. სამხედრო პოლიციამ დაადასტურა, რომ შესაძლოა საქმე ეხებოდეს იმ რაკეტის ნაწილს, რომელიც 10 სექტემბერს იქნა გამოყენებული რუსეთის მიერ.

ტერიტორიის საფუძვლიანი შემოწმება 19 სექტემბრისთვის დაიგეგმა. მას ჩაატარებენ გამომძიებლები და სამხედრო პოლიციის ექსპერტები ლუბლინის პროკურატურასთან ერთად.