როგორ ავირიდოთ თავიდან დეზინფორმაცია-პროპაგანდის გავლენა?

როგორ ავარიდოთ თავიდან  დეზინფორმაცია-პროპაგანდა სოფლად მცხოვრებ ახალგაზრდებს?სიმულაციები ამ საკითხზე რეალური პრობლემების გადაჭრისთვის შედგა. სამუშაო შეხვედრა რუსთავში, “სამოქალაქო განვითარების ახალგაზრდული ცენტრის” პროექტის ფარგლებში გაიმართა. ღონისძიების მიზანს წარმოადგენდა უსაფრთხო სივრცის შექმნა, რომელიც წაახალისებდა ღიაობას, ურთიერთგაგებას და თანამშრომლობას, ასევე ხელს შეუწყობდა მტკიცე ადგილობრივი ქსელების ჩამოყალიბებას და მონაწილეთა უნარების გაძლიერებას დეზინფორმაციისა და ანტიევროპული ნარატივების საპასუხოდ.

შეხვედრაში მონაწილეობა მიიღეს საჯარო სკოლების პედაგოგებმა, სამოქალაქო აქტივისტებმა, მედიის წარმომადგენლებმა და სტუდენტებმა, რომლებმაც საკუთარ თემში არსებული გამოწვევები განიხილეს და გამოსავლის გზებზე იმსჯელეს.

მონაწილეებმა გამოკვეთილი საკითხები დოკუმენტში გადაიტანეს, რომელიც მოიცავს ადგილობრივ ახალგაზრდულ საჭიროებებს, მედიაწიგნიერებას, ასევე ინფორმირებულობას ევროკავშირის და დემოკრატიული ღირებულებების შესახებ. 

ორ დღიან ვორქშოფზე პროექტის მონაწილეებმა ვილნიუსში მიღებული გამოცდილებაც განიხილეს და პროექტის შედეგებზეც იმსჯელეს.  “ახალგაზრდების მედეგობის გაძლიერება: დეზინფორმაციასთან ბრძოლა და ევროპული მისწრაფებების ხელშეწყობა”, რომელსაც “სამოქალაქო განვითარების ახალგაზრდული ცენტრი” ახორცოელებდა ლიეტუვის განვითარების თანამშრომლობის ფონდის მიერაა მხარდაჭერილი.