„როგორც ჩანს, მკვლელს დაბმული ჰყავდა თოკებით, ხელით და ფეხით!.. სიკვდილიცაა და სიკვდილიც“ – ელისო კილაძე კესარია აბრამიძის მკვლელობაში ბრალდებული ქუთაისის აეროპორტში დააკავეს

მსახიობისა და მოდელის, კესარია აბრამიძის მკვლელობაში ბრალდებული პირი სამართალდამცავებმა დღეს, გამთენიისას ქუთაისის აეროპორტში დააკავეს. ის ქვეყნის დატოვებას ცდილობდა.

-პოლიციამ კამერები მაშინვე ამოიღო. ჩვენ გვერდით ქუჩაზე ვცხოვრობთ და კორპუსი აღჭურვილი გვაქვს კამერებით. ჩვენთან იყო პოლიცია მოსული და ამოიღო ჩანაწერი. კადრებში ჩანს, როგორი მშვიდი ნაბიჯით მიდის მკვლელობაში ბრალდებული, რომელსაც შავი მაისური აცვია. პოლიცია მაშინვე იმ მიმართულებით გაიქცა, როგორც კი კადრები ნახა, – უთხრა „პრაიმტაიმს“ ადგილობრივმა მცხოვრებმა.

„ვერც დავდებ, ვერც გაგიზიარებთ – უმძიმესი ფოტოა. სისხლის გუბეში უმოწყალოდ აჩეხილი კესარია, რომელიც როგორც ჩანს, მკვლელს დაბმული ჰყავდა თოკებით, ხელით და ფეხით! როდის ხდებიან ადამიანები ასეთი პირუტყვები, როდის?! სიკვდილიცაა და სიკვდილიც…“.