რუსეთი აცხადებს, რომ საქართველოდან ექსტრადირებული პატიმარი მატარებელში ბადრაგზე თავდასხმის შემდეგ მოკლეს

რუსეთის ხელისუფლებამ განაცხადა, რომ პატიმარი, დიმიტრი პუშკარევი, რომელიც მანამდე საქართველოდან იყო ექსტრადირებული, მოკლეს მას შემდეგ, რაც იგი მატარებელში ბადგარს თავს დაესხა, რის შედეგადაც ერთ-ერთი მათგანი დაიღუპა, სამი კი დაშავდა.

თავდაპირველად, 3 ოქტომბერს, რუსულმა მედიამ რუსეთის ფედერალურ სასჯელაღსრულების სამსახურზე (FSIN) დაყრდნობით გაავრცელა ინფორმაცია, რომ პატიმარი მოკლეს მას შემდეგ, რაც მან სასიკვდილო ჭრილობები მიაყენა ერთ-ერთ ბადრაგს, სამი მათგანი კი დაჭრა ყაბარდო-ბალყარეთში, ვლადიკავკაზ-ადლერის მატარებლის სპეციალურ ვაგონში.

ამავე ინფორმაციით, პატიმარი ერთ-ერთ მცველს ტუალეტში წაყვანისას დაესხა თავს, იარაღი წაართვა, ერთი მოკლა და სამი დაჭრა, სანამ ბადრაგი მას მოკლავდა.

მოგვიანებით, რუსეთის სახელმწიფო მედიასაშუალება TASS-მა „სამართალდამცავ ორგანოებზე“ დაყრდნობით განაცხადა, რომ მანამდე პუშკარევი „საქართველოდან იყო ექსტრადირებული“ ნარკოტიკებთან დაკავშირებული დანაშაულისა და კრიმინალური ორგანიზაციის შექმნის ბრალდებით.

This post is also available in: