რუსეთის საოკუპაციო ძალების მიერ დაკავებული საქართველოს მოქალაქე გაათავისუფლეს

რუსეთის საოკუპაციო ძალებისს მიერ მაისში უკანონოდ დაკავებული საქართველოს მოქალაქე, თენგიზ კორაშვილი თავისუფალია და ცენტრალური ხელისუფლების მიერ კონტროლირებად ტერიტორიაზე იმყოფება, განაცხადა საქართველოს სახელმწიფო უსაფრთხოების სამსახურმა 10 სექტემბერს.

სუს-ის ინფორმაციით, კორაშვილი 19 მაისს გორის მუნიციპალიტეტის სოფელ ხურვალეთის მახლობლად დააკავეს. 20 მაისს, სახელმწიფო უსაფრთხოების სამსახურმა ამავე სოფლიდან სამი საქართველოს მოქალაქის უკანონო დაკავების შესახებ გაავრცელა განცხადება. ერთი დაკავებიდან მალევე, ხოლო მეორე, გიორგი ბოლოთაშვილი, 27 მაისს გაათავისუფლეს. კორაშვილი, სავარაუდოდ, მესამე დაკავებულია, რომელიც უკანონო პატიმრობაში რჩებოდა.

„ვაგრძელებთ აქტიურ მუშაობას ოკუპირებულ ტერიტორიებზე უკანონო პატიმრობაში მყოფი საქართველოს ყველა მოქალაქის გასათავისუფლებლად“, – აცხადებს სუსი.

This post is also available in: English