“რუსეთმა იქამდე იომა, რომ მათი მთავარი აღლუმი უკვე ჩვენზეა დამოკიდებული” – ზელენსკი

“რუსეთმა იქამდე იომა, რომ მათი მთავარი აღლუმი უკვე ჩვენზეა დამოკიდებული” – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

მისი თქმით, რუსეთმა ცეცხლის შეწყვეტაზე უკრაინის წინადადებას მხოლოდ ახალი დარტყმებით უპასუხა – “უკრაინა იმოქმედებს ანალოგიურად”.

“თუ მოსკოვში ერთადერთ ადამიანს, რომელსაც ომის გარეშე ცხოვრება არ შეუძლია, მხოლოდ ერთი აღლუმი აინტერესებს და სხვა არაფერი, ეს სხვა ამბავია” – თქვა ზელენსკიმ.

მადლობას ვუხდი ყველა სახელმწიფოს და ლიდერს, ვინც მხარი დაუჭირა უკრაინის წინადადებას სრული ცეცხლის შეწყვეტის შესახებ. რუსეთმა ამას მხოლოდ ახალი დარტყმებითა და თავდასხმებით უპასუხა. მთელი დღის განმავლობაში, თითქმის ყოველ საათში, უკრაინის სხვადასხვა რეგიონიდან შემოდიოდა დარტყმების შესახებ ცნობები.

უკრაინა იმოქმედებს ანალოგიურად. ღამით და ხვალინდელი სიტუაციის მიხედვით, ჩვენ ასევე განვსაზღვრავთ ჩვენს სრულად დასაბუთებულ პასუხებს.

რუსეთმა ჩვენგან მიიღო მკაფიო წინადადება იარაღის გაჩუმებისა და დიპლომატიის შესახებ – და იცის, როგორ დაუკავშირდეს უკრაინას ან ჩვენს პარტნიორებს დეტალების კოორდინაციის მიზნით.

თუ მოსკოვში ერთადერთ ადამიანს, რომელსაც ომის გარეშე ცხოვრება არ შეუძლია, მხოლოდ ერთი აღლუმი აინტერესებს და სხვა არაფერი, ეს სხვა ამბავია. უკრაინა მზადაა მშვიდობისთვის იმუშაოს. უკრაინა ცდილობს ამ ომის ღირსეულად დასრულებას. რუსეთმა იქამდე იომა, რომ მათი მთავარი აღლუმი უკვე ჩვენზეა დამოკიდებული. და ეს არის მკაფიო სიგნალი: საჭიროა დასრულება,” – განაცხადა ზელენსკიმ.

ცნობისთვის, რუსეთის პრეზიდენტმა, ვლადიმერ პუტინმა მეორე მსოფლიო ომში გამარჯვების დღის აღსანიშნავად 8-9 მაისს ცეცხლის შეწყვეტა გამოაცხადა.
პუტინის საპასუხოდ უკრაინის პრეზიდენტმა, ვოლოდიმირ ზელენსკიმ გამოაცხადა, რომ ცეცხლის შეწყვეტის რეჟიმი 6 მაისს 00:00 საათიდან ამოქმედდებოდა.
თუმცა, უკრაინული მედიის მიერ გავრცელებული ინფორმაციით, რუსეთმა ცეცხლის შეწყვეტის შეთანხმება დაარღვია.