რუსი სამხედროები ხუთი პატიმრის მკვლელობაში დაადანაშაულეს

მიმდინარე წლის დასაწყისში რუსმა სამხედროებმა ტყვედ ჩაბარებული ხუთი უკრაინელი ჯარისკაცი დახვრიტეს, - ამის შესახებ უკრაინული ანალიტიკური პორტალი Deep State და დონეცკის საოლქო პროკურატურა იუწყებიან.

საუბარია ორ შემთხვევაზე, რომელიც საბრძოლო მოქმედებების სხვადასხვა ადგილზე მოხდა: სოფელ ნესკუჩნოესა და დონეცკის ოლქის ვოლნოვახის რაიონ სოფელ ვრემევკაში.

Deep State-ს მონაცემების თანახმად, რასაც უპილოტო დრონით გადაღებული ფოტოებითაც დასტურდება, "3 იანვარს, ნესკუჩნოეს რაიონში რუსი სამხედროები ატარებდნენ უკრაინის 141-ე ქვეითი ბრიგადის გამაგრებული პოზიციების შტურმს, რა დროსაც სამი უკრაინელი ჯარისკაცი ტყვედ ჩავარდა, მათ შეუკრეს ხელები, გამოიყვანეს პოზიციის წინ და კეფაში სროლით დახოცეს".

იმავე დღეს, პროკურატურის ცნობით, უკრაინის შეიარაღებული ძალების პოზიციების შტურმის დროს ვრემევკას რაიონში, რუსმა სამხედროებმა ტყვედ აიყვანეს ორი უკრაინელი სამხედრო და ავტომატები ლულის ქვეშ ბლინდაჟიდან ამოიყვანეს". ამის შემდეგ ჯარისკაცები პირდაპირ დამიზნებით სროლით დახვრიტეს.