რუსულმა არმიამ კვლავ დაბომბა ხერსონი და ტერნოპოლი

3 დეკემბრის ღამით რუსმა სამხედროებმა ქალაქ ხერსონის დნეპრის რაიონი დაბომბეს. საოლქო ადმინისტრაციის ხელმძღვანელის, ალექსანდრ პროკუდინის ცნობით, დარტყმის შედეგად ნამსხვრევისგან დაიჭრა ადგილობრივი მცხოვრები ქალი, რომელიც ადგილზე გარდაიცვალა.

მაღალჩინოსნის ცნობაში არ არის მითითებული, თუ რა იარაღიდან დაიბომბა ხერსონი, მაგრამ რუსეთი იყენებს, როგორც უპილოტო მფრინავ ობიექტებს, ისე საშუალო და შორი რადიუსის რაკეტებს, ავიაციას და არტილერიას უკრაინის ქალაქების და დასახლებული პუნქტების წინააღმდეგ.

რუსეთი ოფიციალურად არ აკეთებს კომენტარებს უკრაინის ტერიტორიაზე განხორციელებული იერიშებზე, რომელთა სამიზნე კრიტიკული მნიშვნელობის სამხედრო და სამოქალაქო ობიექტებია.