3 hours ago
1
მილანი საბა გოგლიჩიძის ტრანსფერით ინტერესდება და პირველ წინადადებას უახლოეს დღეებში გააკეთებს - ინფორმაციას ამის თაობაზე Geo Team ავრცელებს.
"ჩვენი ინფორმაციით, როსონერი ემპოლის პირველად 4 დღის წინ დაუკავშირდა და აცნობა, რომ მზადაა საბა გოგლიჩიძის ტრანსფერზე მათთან ოფიციალური მოლაპარაკებები დაიწყონ.
ემპოლი საბა გოგლიჩიძის ტრანსფერში 15 მილიონ ევროს ითხოვს და მილანიც მზადაა ამ თანხის გადასახდელად, თანაც ისე, რომ სეზონის ბოლომდე ქართველი მცველი ტოსკანურ კლუბს დაუტოვოს.
როგორც ჩვენთვის ცნობილია, დიდი შანსია 20 წლის ქართველისთვის ბრძოლაში ინტერი და იუვენტუსიც ჩაერთონ, რადგან სეზონის მიმდინარეობისას საბას შესახებ ემპოლისგან ინფორმაცია რამდენჯერმე გამოითხოვეს.
საბა გოგლიჩიძისთვის სერია A-ში სადებიუტო სეზონია. სეზონის სტარტზე მისი სატრანსფერო ღირებულება 450,000 ევრო იყო, ხოლო ახლა 8 მილიონია
", - წერს Geo Team.
English (US) · 
Georgian (GE) ·