საკონსტიტუციო სასამართლოში ახალი მოსამართლე დაინიშნა

„ქართული ოცნების“ მიერ არჩეულმა პრეზიდენტმა მიხეილ ყაველაშვილმა გიორგი მოდებაძე საკონსტიტუციო სასამართლოს ახალ მოსამართლედ დანიშნა, მას შემდეგ, რაც მოსამართლე ირინე იმერლიშვილი თანამდებობიდან გადადგა.

37 წლის მოდებაძე 2024 წლის ნოემბრიდან „ქართული ოცნების“ განათლების მინისტრის, გივი მიქანაძის, პირველი მოადგილის თანამდებობას იკავებდა. სამინისტროში მისვლამდე, იგი თბილისის საქალაქო სასამართლოში რამდენიმე ადმინისტრაციულ თანამდებობას, მათ შორის სასამართლოს მენეჯერის თანამდებობას იკავებდა. მოდებაძეს აქვს სამართლის მაგისტრის ხარისხი (2016–2018) საქართველოს ტექნიკური უნივერსიტეტიდან.

This post is also available in: English