radiotavisupleba ახალი ამბები 
საკონსტიტუციო სასამართლოს თავმჯდომარის, რევაზ ნადარიას გადაწყვეტილებით სხდომათა დარბაზიდან გააძევეს ოპოზიციონერ პოლიტიკოსი, „თავისუფლბის მოედნის“ ლიდერი, ლევან ცუცქირიძე. იმის მიუხედავად, რომ ცუცქირიძე ამ საქმეში მხარე არ არის, ის სხდომას ესწრებოდა.
- „გთხოვთ, რომ იპოვოთ თქვენს თავში ძალა და გამოიყენოთ“, - მიმართა ცუცქირიძემ მოსამართლეებს სხდომის გახსნამდე.
- „ჯერ სხდომა არ დაწყებულა... გაიყვანეთ“, - თქვა რევაზ ნადარიამ.
- „ვიღაცის მომავალი დაწერილია და თქვენი ჯერ არა“, - თქვა ლევან ცუცქირძემ დარბაზიდან გაყვანის დროს.
დღეს, 21 ოქტომბერს საკონსტიტუციო სასამართლოში დაიწყო ხუთი ოპოზიციური პარტიის აკრძალვის შესახებ სარჩელის განხილვა.
საკონსტიტუციო სასამართლოებში მოსამართლეები 10-წლიანი ვადით აირჩევიან. კონსტიტუციით, 9-კაციანი პლენუმი ასე კომპლექტდება: სამს ამტკიცებს პრეზიდენტი, სამს - პარლამენტი, სამს კი - უზენაესი სასამართლო.
ამ დროისთვის საკონსტიტუციო სასამართლოში 7 მოსამართლეა. ორი მოსამართლის არჩევა პარლამენტის კვოტით უნდა მოხდეს, თუმცა „ქართულ ოცნებას“ ამისთვის საკმარისი ხმები არ აქვს.
პარტიების ასაკრძალად საჭიროა საქმის განხმილველი მოსამართლეების უმრავლესობას: რადგან სდომას 7 მოსამართლე დაესწრება, 4-ის დადებითი გადაწყვეტილების შემთხვევაში „ქართული ოცნების“ მოთხოვნა დაკმაყოფილდება.
