„სამოქალაქო საქართველოს“ ყოფილ ფოტოგრაფს, ნინო საღირიძეს „ტროტუარის საქმეზე“ ორდღიანი პატიმრობა შეეფარდა

ნინო საღირიძე, რომელიც „სამოქალაქო საქართველოს“ ყოფილი ფოტოგრაფია, იმ დემონსტრანტებს შორისაა, რომელთაც ცოტა ხნის წინ ტროტუარზე პროტესტის გამო რამდენიმედღიანი პატიმრობა შეეფარდათ.

მოსამართლე თორნიკე კაპანაძემ საღირიძეს წინააღმდეგ გადაწყვეტილება 13 მაისს გამოიტანა. გავრცელებული ინფორმაციით, საღირიძე თელავის წინასწარი დაკავების იზოლატორში გადაიყვანეს. 2025 წელს რამდენიმე თვის განმავლობაში საღირიძე საპროტესტო აქციებს აშუქებდა, ადგილიდან ფოტომასალის მოწოდებას უზრუნველყოფდა და დაკავებული მომიტინგეების ოჯახის წევრების მიერ წარმოებულ რეგიონულ კამპანიებს დოკუმენტურად ასახავდა.

იმავე დღეს, ცალკე გადაწყვეტილებით, მოსამართლე ზვიად ცეკვავამ ელენე გელაშვილს, თბილისის აგრარული უნივერსიტეტის სტუდენტს, ასევე ტროტუარზე პროტესტის გამოხატვისთვის ორდღიანი ადმინისტრაციული პატიმრობა შეუფარდა.

კიდევ ერთ მომიტინგეს, ნათია ჭელიძეს, 14 მაისს ორდღიანი ადმინისტრაციული პატიმრობა შეეფარდა. მოსამართლე თორნიკე კაპანაძემ იგი 31 იანვარს გამართული საპროტესტო აქციის დროს პარლამენტის წინ გზის გადაკეტვაში ცნო დამნაშავედ.

This post is also available in: