სამხრეთ კავკასია დღეს უფრო უსაფრთხოა, რადგან ტრამპმა, ალიევმა და ფაშინიანმა რიტორიკას შედეგები ამჯობინეს - უიტკოფი

„როგორ აქცია ტრამპმა გაყინული კონფლიქტი მშვიდობის მოდელად“ - ასეთია 10 აგვისტოს გამოცემა Washington Examiner-ში უიტკოფის ავტორობით გამოქვეყნებული სტატიის, მოსაზრების სვეტის სათაური.

„სამხრეთ კავკასია დღეს უფრო უსაფრთხო, აყვავებული და სტაბილურია, რადგან ტრამპმა, ალიევმა და ფაშინიანმა რიტორიკას შედეგები არჩიეს“, - წერს ის.

სტატიაში იგი აზერბაიჯანისა და სომხეთის ლიდერებს შემდეგნაირად ახასიათებს:

• ილჰამ ალიევზე: „ძლიერი და გადამწყვეტილების მიღების უნარის მქონე ლიდერი, რომელიც მზად იყო მშვიდობისთვის აუცილებელი რთული არჩევანის გასაკეთებლად“, - თუმცა აქვე გააკრიტიკა ჯო ბაიდენის ადმინისტრაციის წარმომადგენლები, რომლებიც დაადანაშაულა იმაში, რომ მათ „დაუშვეს სომხეთ-აზერბაიჯანის „ურთიერთობების გაუარესება“;
• „პრეზიდენტმა ალიევმა შთაბეჭდილება მოახდინა ჩვენზე, როგორც ადამიანმა, რომელიც ესმის როგორც თავისი ერის ინტერესები, ასევე რეგიონული სტაბილურობის უფრო ფართო მნიშვნელობა“, - წერს უიტკოფი.
• ნიკოლ ფაშინიანზე: „გაგვიმართლა, რომ სომხეთში აღმოვაჩინეთ პრაგმატული და მამაცი ლიდერი პრემიერ-მინისტრ ნიკოლ ფაშინიანის სახით - ადამიანი, რომელსაც შეუძლია, მიიღოს გადაწყვეტილებები თავისი ხალხის ინტერესებიდან გამომდინარე, მაშინაც კი, როდესაც ეს გადაწყვეტილებები თავდაპირველად არაპოპულარულად აღიქმებოდა“.

2026 წლის 8 აგვისტოს - 2025 წლის 8 აგვისტოს თეთრ სახლში გამართული სამშვიდობო სამიტის ერთი წლისთავის აღსანიშნავად - აშშ-მა, სომხეთმა და აზერბაიჯანმა ერთობლივი განცხადება გაავრცელეს.

მასში აღნიშნულია, რომ „ღრმა სიამაყეს იწვევს, რასაც ჩვენმა ქვეყნებმა ერთად მიაღწიეს და აშკარაა უდიდესი პრინციპულობა - დააშენონ იმ ფუნდამენტს, რომელმაც წერტილი დაუსვა ათწლეულების კონფლიქტს და სამხრეთ კავკასია უფრო აყვავებული მომავლისკენ გზაზე დააყენა“.

2026 წლის 5 აგვისტოს კი სტივ უიტკოფის უფროს მრჩეველს, არიე ლაიტსტოუნს, - TRIPP+ ფონდის ხელმძღვანელ კონსტანტინ სოკოლოვთან ერთად, - ერევანში უმასპინძლა პრემიერ-მინისტრმა ნიკოლ ფაშინიანმა.