საფრანგეთის ახალი პრემიერი ცენტრისტი ფრანსუა ბაირუ გახდა

საფრანგეთის პრეზიდენტმა პრემიერმინისტრის თანამდებობაზე დანიშნა ცენტრისტული პარტიის, „დემოკრატიული მოძრაობის“ ლიდერი და თავისი მომხრე, ფრანსუა ბაირუ.

საფრანგეთის პარლამენტმა 4 დეკემბერს გამოუცხადა უნდობლობა მიშელ ბარნიეს მთავრობას, რომელმაც სამი თვე იმუშავა. ეს ამ ქვეყანაში დეპუტატების მიერ მთავრობის დათხოვნის პირველი შემთხვევაა 1962 წლის შემდეგ. პრემიერი გაათავისუფლეს მას მერე, რაც დეპუტატების

გარეშე მიიღო სოციალური დაზღვევის ბიუჯეტის შესახებ კანონი 2025 წლისთვის.

დოკუმენტის თანახმად, ბიუჯეტის ხარჯები უნდა შეკვეცილიყო 40 მილიარდი ევროთი და გადასახადები გაეზარდათ 20 მილიარდი ევროთი.

არ არის ცხადი, ექნება თუ არა ახალ პრემიერს დეპუტატების მხარდაჭერა.

ვადამდელმა არჩევნებმა ზაფხულში ვერც ერთ პარტიას მიანიჭა დამაჯერებელი უმრავლესობა პარლამენტში.

ბაირუს მთავარი ამოცანა 2025 წლის ბიუჯეტის მიღება იქნება:. პრესის თანახმად, მთავრობას გაუძნელდება მემარცხენე და მემარჯვენე ფრაქციებს შორის წონასწორობის დაკავება. ამ პირობებში მთავრობის სიმყარე შეშფოთებას იწვევს.

ბარნიეს მთავრობა ახერხებდა ბალანსის შენარჩუნებას იმის ხარჯზე, რომ უნდობლობის ვოტუმის გამო კენჭისყრისას ულტრამემარჯვენე - ლე პენის ბლოკი თავის იკავებდა კენჭისყრისას. როცა მან პოზიცია შეიცვალა, მისი მომხრეების და მემარცხენე ბლოკის ხმების ერთობლივი რაოდენობა საკმარისი გახდა მთავრობის გადაყენებისთვის.

პრეზიდენტს არ აქვს უფლებამოსილება დაშალოს პარლამენტი ბოლო არჩევნებიდან ერთი წლის განმავალობაში. არჩევნები საფრანგეთში 8 ივლისს გაიმართა.