საქართველოს მართლმადიდებელი ეკლესიის პატრიარქად შიო III-ის აღსაყდრების ცერემონია გაიმართა

საქართველოს მართლმადიდებელი ეკლესიის პატრიარქად შიო III-ის აღსაყდრების ცერემონია 12 მაისს, არჩევიდან ერთი დღის შემდეგ, სვეტიცხოვლის საკათედრო ტაძარში გაიმართა. ღონისძიებას უმაღლესი სასულიერო პირები, მმართველი პარტიის წარმომადგენლები, მათ შორის ბიძინა ივანიშვილი და მორწმუნეები ესწრებოდნენ.

მიტროპოლიტი შიო (მუჯირი) 11 მაისს წმინდა სინოდის 39 წევრიდან 22-მა პატრიარქად აირჩია. მისი აღსაყდრების თარიღი, 12 მაისი, წმინდა ანდრია პირველწოდებულის დღეს დაემთხვა. ცერემონია დილის 10 საათზე სვეტიცხოვლის საკათედრო ტაძარში დაიწყო. ტრადიციულად, ეს ის ადგილია, სადაც ქართველი პატრიარქების აღსაყდრება იმართება და სადაც ილია II 1977 წელს პატრიარქად აკურთხეს.

საკათედრო ტაძარში გამართულ ცერემონიას „ქართული ოცნების“ მაღალი თანამდებობის პირები დაესწრნენ, მათ შორის „ქართული ოცნების“ მიერ არჩეული პრეზიდენტი მიხეილ ყაველაშვილი, პრემიერ-მინისტრი ირაკლი კობახიძე, სადავო პარლამენტის თავმჯდომარე შალვა პაპუაშვილი, ასევე „ქართული ოცნების“ დამფუძნებელი და საპატიო თავმჯდომარე ბიძინა ივანიშვილი, რომელსაც ოფიციალური თანამდებობა არ უკავია.

This post is also available in: