radiotavisupleba ახალი ამბები 
ოკუპირებულ აფხაზეთში საქართველოს მიერ კონტროლირებადი ტერიტორიიდან საწვავის მიღება დაადასტურეს.
აფხაზეთის დე ფაქტო მთავრობის კომენტარს სააგენტო „აფსნიპრესი“ ავრცელებს.
სოხუმში ამბობენ, რომ „საწვავის მიწოდება რუსეთის ფედერაციიდან გაფორმებული ხელშეკრულებების ფარგლებში კვლავ ხორციელდება“.
„თუმცა, საგარეო ფაქტორებით გამოწვეული ვითარების გამო, საავტომობილო საწვავი აფხაზეთის რესპუბლიკის საჭიროებებისთვის საკმარისი არ არის. ამასთან დაკავშირებით, მიღებულ იქნა გადაწყვეტილება ალტერნატიული წყაროებიდან საწვავის შესაძლო მიწოდების შესახებ“, - ნათქვამია განცხადებაში.
დე ფაქტო მთავრობის ცნობით, „საწვავის ბაზრის მონაწილეებმა შეძლეს საქართველოს ტერიტორიიდან ბენზინის მიწოდების შესაძლებლობის მოძიება“.
„როგორც ცნობილია, ომის შემდგომ 90-იან წლებში აფხაზეთის რესპუბლიკის ტერიტორიიდანაც ხორციელდებოდა მიწოდება საქართველოში“, - აღნიშნულია განცხადებაში.
მასალა განახლდება
