სერბეთში ათობით ათასი ადამიანი მონაწილეობდა საპროტესტო დემონსტრაციაში

1 თებერვალს, სერბეთის ქალაქ ნოვი სადში, ათობით ათასმა დემონსტრანტმა გადაკეტა გზები და დაიკავა ხიდები. აქციის მიზანია, აიძულოს მთავრობა, წავიდეს ახალ დათმობებზე სამი თვის თავზე მას შემდეგ, რაც ქალაქის სადგურში კატასტროფას ანტიკორუფციული მოძრაობის აღორძინება მოჰყვა.

ეს დემონსტრაცია ბოლოა მასობრივი პროტესტების ბოლოდროინდელ სერიაში, რომლებმაც შეძრა ბალკანეთის ეს ქვეყანარკინიგზის სადგურის სახურავის ჩამონგრევის შემდეგ, რის შედეგადაც ნოემბერში 15 ადამიანი დაიღუპა ჩრდილოეთ სერბეთის ქალაქში.

უნივერსიტეტის სტუდენტების მოძრაობის მზარდი ზეწოლის შედეგად ქვეყნის მთავრობაზე, მაღალი თანამდებობის რამდენიმე პირი, მათ შორის პრემიერმინისტრი მილოშ ვუჩევიჩი გადადგა.

პრემიერი გადადგა ქვეყნის დედაქალაქ ბელგრადის მთავარი სატრანსპორტო კვანძის 24-საათიანი გადაკეტვის შემდეგ. ამას, რამდენიმე დღით ადრე, წინ უძღოდა საყოველთაო გაფიცვა, რის შედეგადაც მთელ ქვეყანაში დაიხურა სკოლები და მცირე საწარმოები.

ნოვი სადში სადგურის სახურავის ჩამონგრევა შენობაში სარემონტო სამუშაოებს მოჰყვა. უბედურმა შემთხვევამ აღშფოთება გამოიწვია კორუფციისა და სამშენებლო პროექტების არასაკმარისი ზედამხედველობის გამო.

პროტესტის დაწყებისთანავე, ათიათასობით ადამიანი გავიდა ნოვი სადის ქუჩებში დროშებისა და პლაკატების ფრიალით, ანტიკორუფციული ლოზუნგების შეძახილებით. მათ გადაკეტეს გზები და დაიკავეს სამი მთავარი ხიდი.

საპროტესტო გამოსვლების ჩაწყნარების მიზნით, მთავრობა შეეცადა, დაეკმაყოფილებინა სტუდენტი ორგანიზატორების რამდენიმე მოთხოვნა. ეს ღონისძიებები მოიცავდა სადგურის რემონტთან დაკავშირებული რიგი დოკუმენტების გაცემას, აქციაზე დაკავებული მომიტინგეების შეწყალებას, უმაღლესი განათლების დაფინანსების გაზრდას და დემონსტრანტებზე თავდასხმაში ეჭვმიტანილების წინააღმდეგ სისხლისსამართლებრივი დევნის დაწყებას.

1 თებერვლის აქციის წინ, ასობით სტუდენტმა დატოვა ბელგრადი ორი დღით ადრე, რათა ორდღიან მსვლელობაში მიეღო მონაწილეობა