სეს-ი ბაკურიანის ,,ციდას” ამოწმებს – განცხადება

გავრცელებულ ინფორმაციას ბაკურიანის ,,ციდათი” ბავშვის შესაძლო მოწამვლასთან დაკავშირებით, განცხადებით ეხმაურება სურსათის ეროვნული სააგენტო:

,,სურსათის ეროვნულმა სააგენტომ მიიღო შეტყობინება ბავშვის სავარაუდო წყლით – „ბაკურიანი ციდა“ ინტოქსიკაციის შესახებ.

ინფორმაციის მიღებისთანავე სურსათის ეროვნულმა სააგენტომ დაიწყო მოკვლევა. სააგენტოს ინსპექტორები წყლის დამფასოებელ საწარმოში ახორციელებენ არაგეგმურ ინსპექტირებას, რომელიც მოიცავს სრულ ტექნოლოგიურ ციკლს.
ამავდროულად სახელმწიფო კონტროლის ფარგლებში აღებულია წყლის სინჯები, რომლის ლაბორატორიული კვლევის შედეგებიც მყისიერად გასაჯაროვდება.” – აცხადებს სეს-ი.

,,ბაკურიანი ციდას” მიღების შედეგად მოზარდის სავარაუდო ინტოქსიკაციაზე სურსათის ეროვნულმა სააგენტომ მოკვლევა დაიწყო