სიცხის ტალღები და მზარდი საფრთხე ჯანმრთელობისთვის.

WHO-ს მონაცემებით, ევროპასა და ცენტრალურ აზიაში სიცხის ტალღები სულ უფრო ხშირი, ხანგრძლივი და ინტენსიური ხდება. პროგნოზების მიხედვით, 2050 წლისთვის, ევროპა და ცენტრალური აზია დაექვემდებარება მაღალი სიხშირს სიცხის ტალღებს, 81 პროცენტი დაექვემდებარება უკიდურესი ხანგრძლივობის სიცხის ტალღების ზემოქმედებას, ხოლო 28 პროცენტი – მაღალი ინტენსივობის მქონე სიცხის ტალღების ზემოქმედებას.

ჯანმრთელობის დაცვის რეკომენდაციები:

სითხის მიღება – დალიეთ დიდი რაოდენობით წყალი მთელი დღის განმავლობაში. მოერიდეთ ალკოჰოლურ და ზედმეტად ტკბილ სასმელებს, რომლებიც ხელს უწყობენ ორგანიზმის გამოშრობას.

სივრცის გაგრილება – ხშირად გაანიავეთ ოთახები დილით ან გვიან საღამოს. გამორთეთ ზედმეტი ტექნიკა, რომელიც სითბოს გამოყოფს. გამოიყენეთ მზისგან დამცავი ფარდები ან ჟალუზები, რომ შეამციროთ სითბოს დაგროვება შენობაში.

მზისგან დაცვა – ატარეთ მსუბუქი, თავისუფალი და ღია ფერის ტანსაცმელი. გამოიყენეთ მზისგან დამცავი საშუალებები.

მიმართეთ დახმარებას, თუ თქვენ ან სხვას აღენიშნება შემდეგი სიმპტომები:

– მკვეთრად სწრაფი გულისცემა

– მკვეთრი დაბნეულობა

– სხეულის ტემპერატურის სწრაფი მატება

– გულისრევა, დაბალი წნევა ან გონების დაკარგვა