4 days ago
14
ადამიანის უფლებათა ევროპულმა სასამართლომ ქართველი აქტივისტის, ირაკლი მილაძის საქმეზე, რომელიც 2023 წელს TikTok-ზე ატვირთული ვიდეოს გამო დაჯარიმდა, რომელშიც მან საჯარო მოხელეების მიმართ უცენზურო ლექსიკა გამოიყენა, გამოხატვის თავისუფლების დარღვევა არ დაადგინა.
19 მაისის გადაწყვეტილებაში ადამიანის უფლებათა ევროპულმა სასამართლომ დაადგინა, რომ საქართველომ, როგორც მოპასუხე სახელმწიფომ, წარმოადგინა „შესაბამისი და საკმარისი“ მიზეზები განმცხადებლის გამოხატვის თავისუფლებაში ჩარევისთვის და რომ ჩარევა, შესაბამისად, „აუცილებელი იყო დემოკრატიულ საზოგადოებაში“. შესაბამისად, სასამართლომ ერთხმად დაადგინა, რომ ადამიანის უფლებათა ევროპული კონვენციის მე-10 მუხლის (გამოხატვის თავისუფლება) დარღვევას ადგილი არ ჰქონია.
საქართველოს ახალგაზრდა იურისტთა ასოციაციამ (საია), რომელიც მილაძის ინტერესებს იცავდა, განაცხადა, რომ სტრასბურგის სასამართლოს გადაწყვეტილება „მკაფიოდ განსაზღვრავს იმ სახელმძღვანელო სტანდარტს, რომელიც სულაც არ აძლევს საშუალებას შინაგან საქმეთა სამინისტროს, აწარმოოს თავისუფალი აზრის დევნის კოორდინირებული პრაქტიკა“.
This post is also available in:
English (US) · 
Georgian (GE) ·