სუს-მა უცხო ქვეყნის მოქალაქისთვის ურანის მიყიდვის მცდელობის ფაქტზე საქართველოს მოქალაქე დააკავა

საქართველოს სახელმწიფო უსაფრთხოების სამსახურმა (სუსი) განაცხადა, რომ უცხო ქვეყნის მოქალაქისთვის 700 000 აშშ დოლარად „ურან-238“-ის მიყიდვის მცდელობის ფაქტზე საქართველოს მოქალაქე დააკავა.

„კონტრდაზვერვისა და სპეციალური ოპერაციების დეპარტამენტების თანამშრომლებმა, ერთობლივად ჩატარებული ღონისძიების შედეგად, ბირთვული მასალისადმი, კერძოდ, რადიოაქტიური ნივთიერება „ურანის“ უკანონო მოპყრობის ფაქტზე, საქართველოს ერთი მოქალაქე დააკავეს“, – ნათქვამია სუს-ის განცხადებაში.

უწყების ინფორმაციით, გამოძიებით დადგინდა, რომ „დაკავებული მის ხელთ არსებული ბირთვული მასალა „ურან-238“-ის გაყიდვას უცხო ქვეყნის მოქალაქეზე 700 000 აშშ დოლარად გეგმავდა“.

სუს-მა განაცხადა, რომ გამოძიება საქართველოს სისხლის სამართლის კოდექსის 230-ე მუხლით მიმდინარეობს, რაც სასჯელის სახით 10-წლამდე ვადით თავისუფლების აღკვეთას ითვალისწინებს.

This post is also available in:

Follow Us