radiotavisupleba ახალი ამბები 
აშშ-ის პრეზიდენტმა დონალდ ტრამპმა უარყო ირანის მიერ შეთავაზებული ზავი ჰორმუზის სრუტეში. „მათ სურთ შეთანხმების დადება - მშვენიერია. მეც მსურს შეთანხმების დადება. მაგრამ ეს შეთანხმება მიუღებელია“, - განაცხადა ტრამპმა.
მანამდე ირანის საგარეო საქმეთა მინისტრმა აბას არაყჩიმ გაეროში განაცხადა, რომ ზავის გეგმა ამერიკულ მხარეს კატარის მეშვეობით გადაეცა. თეირანმა წამოაყენა წინადადება, რომ ჰორმუზის სრუტე კომერციული ნაოსნობისთვის გაიხსნას იმის სანაცვლოდ, რომ აშშ შეწყვეტს ირანის პორტების საზღვაო ბლოკადას, მოხსნის სანქციებს ირანულ ნავთობზე და დაიცავს ცეცხლის შეწყვეტის რეჟიმს ირანსა და ლიბანში. ის ასევე გამოვიდა წინადადებით, განახლდეს ირანის ბირთვული პროგრამის შესახებ მოლაპარაკებები.
არაყჩის თქმით, როგორც კი აშშ დათანხმდებოდა ასეთ გეგმას, დაიწყება შვიდდღიანი ათვლა მის განხორციელებამდე. ოთხი-ხუთი დღე, თეირანის აზრით, შეთანხმებებს დასჭირდება, მეექვსე დღეს სრუტე გაიხსნება სამოქალაქო გემებისთვის, ხოლო მეშვიდე დღეს შესაძლებელი გახდებოდა „ბირთვული“ მოლაპარაკებების ახალი რაუნდის დაწყება.
თუმცა დონალდ ტრამპმა განაცხადა, რომ ასეთი შეთანხმება მას არ აკმაყოფილებს და რომ ირანს „სურს შეთანხმების დადება, რადგან ისინი ასე საშინლად აგებენ“.
