უკრაინაზე რუსეთის შეტევისას მოლდოვაში მესაზღვრე დაიჭრა

მოლდოვის სასაზღვრო პოლიციის ინფორმაციით, გამშვებ პუნქტთან „პალანკა“ ჩამოვარდა ჭურვი, რომელმაც მიწაზე დარტყმის შემდეგ რიკოშეტი განიცადა და მოხვდა სასაზღვრო ბარიერთან მდგომ ავტობუსს.

მსუბუქად დაშავდა ერთი მესაზღვრე. სასაზღვრო-გამშვები პუნქტის მუშაობა დროებით შეწყდა.

უკრაინაზე რუსეთის მასირებული შეტევების დროს დრონები და რაკეტები ხშირად არღვევენ მოლდოვის საჰაერო სივრცესაც.