უმთავრესი სიტყვები გოდერძი ჩოხელის ავტობიოგრაფიიდან

გოდერძი ჩოხელის ავტობიოგრაფიიდან უმთავრეს და ძალიან მნიშვნელოვან სიტყვებს “არტ ინფო” გიზიარებთ:

“ბევრს ჰგონია, რომ ვიღაცაზე გულნატკენი ვარ, ნაწყენი, თითქოს განსაკუთრებულ ყურადღებას მოვითხოვ და ვერ მივიღე… თითქოს ჩემ წინაშე ვალში არიან. არა, ასე არ ვფიქრობ, ერთი წუთით არ მაქვს მაგის განცდა, პირიქით, იმდენი ყურადღება ვიგრძენი, შეიძლება არც კი ვიყო ღირსი. ცუდად ვარ და ეს მაწუხებს. ხანდახან მინდა ვიყვირო, ხალხო, მიშველეთ, ცუდად ვარ, დამეხმარეთ, გამომიყვანეთ ამ მდგომარეობიდან, მაგრამ ჩემს თავს რაღაც ხდება, ჩემს სულსა და გულში… რამხელა უნარი და ძალა მქონია, რომ დღემდე გავუძელი…”