ფილიპ კლოზი: “მინდა გამოვუცხადო ჩემი სრული მხარდაჭერა თბილისის მერობის კანდიდატს, ირაკლი კუპრაძეს”

დღეს კოალიცია „ძლიერი საქართველო-ლელოს“ თავმჯდომარე, მამუკა ხაზარაძე, თბილისის მერობის საერთო კანდიდატი, ირაკლი კუპრაძე და საარჩევნო შტაბის ხელმძღვანელი, თაზო დათუნაშვილი, ბრიუსელის მერმა ფილიპ კლოზიმ მიიღო.
მაღალი დონის ორმხრივ შეხვედრაზე, თბილისი-ბრიუსელის სამომავლო პარტნიორობის დეტალები განხილეს, როგორც კულტურული, ისე ეკონომიკური თანამშრომლობის ფარგლებში, რაც ერთობილივი ინფრასტრუქტურული და საგანმანათლებლო პროექტების დაგეგმვა-განხორციელებას გულისხმობს.
ბრიუსელის მერს სტუმრებმა, საქართველოში წინასაარჩევნოდ არსებული მძიმე პოლიტიკური ვითარება გააცნეს. ფილიპ კლოზიმ თბილისის მერობის ერთიან კანდიდარს, ადგილობრივი თვითმმართველობის არჩევნებში სრული მხარდაჭერა გამოუცხადა.

ფილიპ კლოზი, ბრიუსელის
მერი: „ჩვენ დღეს შევხვდით თბილისის მერობის კანდიდატს, ირაკლი კუპრაძეს. მე მინდა მას გამოვუცხადო სრული მხარდაჭერა, რადგან ჩვენ გვაკავშირებს ის საერთო ევროპული ღირებულები, რაც ძალიან მნიშვნელოვანია ჩემთვის, როგორც ევროპის დედაქალაქის მერისთვის“

(R)